European Union Council Nih Kawl Ram Le A Bawm Mi Hna Ram Cu A Hrem Tak Tak Cang Hna Lai.

European Union ram ram kul le ram sarih hna nih cun kawlram ralhrang cozah nih a ram mipi cungah tlaih le hrem,kahnak a tuah ruiangah mipi a thi mi an tam tuk cang caah le a hliam mi an tamtuk cang ruangah, hrem nak ding nawl a chuah!hi konghe pehtlai in European Union nih cun Myanmar ralkap cozah lawng si lo in an mah Uico pawl a dirkamhtu UN zong nih a tinh mi hna cu,Russia le China zong hrem chih dingin nawl a chuah cang tiah kan theih..

European Union rian ttuan nak ah a tel mi hna cu,Austria, Belgium, Bulgaria, Croatia, Republic of Cyprus, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Malta, Netherlands, Poland, Portugal, Romania, Slovakia, Slovenia, Spain and Sweden” hna an si.

European Union nih Myanmar ralkap kong a chim miah cun, February ni 1 in kawlram military coup nih mipi an den hna,February ni 1 an mah he hmun khat ah rian ttuan tu lutlai minung 11 hna zong dantat dingin biachahnak tuah a si.EU’s foreign policy chief Josep Borrell nih cun March 22.2021 ni ah Kawlram he rian a ttuanti mi hna minung 11 le Myanmar ralkap cozah le China, Russia hna cungah hremnak tuah dingin biachahnak hi a tuah chih cang tiah theih asi ve.

European ram pakhat si mi,Germany Foreign Minister Heiko Maas nih cun European Union nih hi tibantuk in Myanmar ralkap cozah hna le Russia le China telh in hremnak tuah kan timh mi hna cu Myanmar ram chungum Mipi hna cungah harsatnak le fah nak,hramhram in i thah-nawn nak a um ti nak hngalo i tinh mi cu a si.hi thil a theih bu in Myanmar ralhrang hna nih mipi cungah ningcang lo thil an tuah tthan siah cun, European nih cun hremnak a tuah tthan hrimhrim lai tiah an chim .
Source: VOA

Be the first to comment

Leave a Reply

Your email address will not be published.


*