European Union Nih Kawlram Buai Nak Kongkau Ah Emergency Meeting An Tuah Cang.

EU (European Union) hna nih Myanmar kongah Meeting an tuah cang.European Union Forgein Ministers hna cu Myanmar kong he pehtlaiin February 22 ah Meeting an tuah i; Statement zong an chuah. Myanmar ralkap nih Emergency in uknak an lakmi hi mipi thimmi Cozah sinah pek than dingin EU nih Statement an chuah.

Myanmar kong he pehtlaiin EU Ministers hna nih Statement an chuahmi cu; ” Ralkap nih uknak an lakmi hi ngol colh sehlaw, mipi thimmi Cozah sinah uknak pe colh. Hluttaw zong tuah colh hna sehlaw, mipi duhmi Democracy uknak in kal than hna seh! 2020 thimnak result zong cohlan siseh” tiin EU nih Statement an chuah.

President Win Myint le State Counsellor Aung San Suu Kyi telh in tlaih a tongmi vialte thlah dih hna seh ti zong EU nih cathanh an chuah. Cathanh chuahmi hi ralkap nih a zulh lo ahcun dantatnak pek colh dingin timhcia kan si tiin EU nih ralrin peknak an chim.

Credit : @Chin Channel News!

Be the first to comment

Leave a Reply

Your email address will not be published.