Facebook Ruang Ah Rak I Ralring Ve Mi Pakhat Nih A Nunnak Tiang Lak A Si

Myanmar ram ,Mandalay le Sagaing ramri i thil cang mi a si i, facebook ah faktuk in bia an i el, an rak i hro ciammam cu lenglei ah an chuak thluahmah i an pahnih cun hawikom tha a nei veve mi an si caah an zapi tecun an i vua cianmam hna i, minung pa 7 bak sizung ah an phan i minung pakhat a thi.

Facebook i bia ai el mi an hro tuk mi cu, Phyo Win Aung le Phyo Win Htike an si. Phyo Win Aung nih hin hawikom pa 7 a neih hna i, Phyo Win Htike nih hawikom pa 2 a neih ve hna. Lampi ah ruahlo pin an i tong i cucu facebook in bia a rak i el mi an rak si ruang ah, Phyo Win Htike nih Phyo Win Aung cu ngaithiam a hal.

Mah cucu Phyo Win Aung a hawi pakhat nih“khati men cun a ngah nemmam loh khukbil in ngaithiam hal ca ” tiah a ti. Mah cucu Phyo Win Htike hawile pahnih nih an rak cohlang ve loh i, “A ngah loh, cu bantuk a hau loh, a ho dah na si hlei ” tiin an vuak chih len ve.

Mi malsawn Phyo Win Htike lei nih a thlitein hramhma an rak i ken cia i, Phyo Win Aung lei cu faktuk in an tuar i minung pa 7 bak sizung an phan. Minung pa 7 sizung a lut mi lakah Phyo Win Aung ( kum 17 ) cu a hliamhma tuar kho loin a nunnak a liam.A dang minung pa 6 cu sizung ah an zohkhenh cuahmah lio hna a si.

Thil a can ruang ah Phyo Win Htike ( kum 21 ) le Pih Soe ( kum 22) cu palik nih an tleih khawh cang hna i, lainawng case an siampiak hna i thawng inn ah khumh colh an si. midang pahnih kha cu a dang ah an zam manh i palik nih an kawl cuahmah lio hna a si. ( News Journal ). Credit : VAPUAL AUAW

Be the first to comment

Leave a Reply

Your email address will not be published.


*