Falam Ah Dalan Tumtlangpi Meithal In An Kah,

Chin Ramkulh Falam khuachung Cinmual Sang lakphak-tidawr pakhat ah Dalan minthang U Than Win cu aho si hngalhlo mi hna nih lakphakti a dinlio ah meithal in an kah i a thih le nun a fiang rih lo, tiah theih a si. U Than Win (kum 60 hualham) hi Semaing Zung (Irrigation Department) ah Assistant Engineer a tuanlio mi a si i nihin zaanlei 2:00 tluk lakphakti a dinlio ah aho si hngalhlo mi hna nih meithal zuun 2 in an kah, tiah Zalen nih a tial.

U Than Win hi ralrin pek aa huah bal mi a si i caan saupi a tlau hnu nizaan naite ah mizapi sin ah a mui aa langhthan mi a si. U Than Win cu lakphakti a dinlio ah azaktang le apaw ah tiin meithal zuun hnih in an kah i kethum-ngei motor (tungbing) in Falam sii-inn ah an tlikpi i atu hi a thih le a nun a fiang rih lo, tiah kan theih.

Mizoram CM nih Chin Ramkulh CM Hlun Salai Lian Luai te a Ton Hna, Mizoram nih Chin Ralzam Pehzul in a Bawmh Lai, Nizaan December 13 ah Mizoram Chief Minister Zoramthanga nih Mizoram ah aa dormi Chin ramkulh Chief Minister hlun Salai Lian Luai le Chin Hluttaw palai pawl ton biaruahnak a ngeih hna, tiah thawng kan theih.

Tonnak hmun ah Zoramthanga nih, Myanmar lei in Mizoram ah a rak i dormi hna pehzul in bawmhnak kan pek hna lai. India Central Cozah nih ralzaam bawmh kong ah direct in aa thlak lo nain Mizoram nih ralzam kan bawmh khawh nakhnga kan hnulei in a kan bawmhchanh ko lai. Myanmar ram zong a rauh hlan ah Democracd lamthluan cung ah kar a hlang tthan lai tiah ka zumh, tiah a chim.

Be the first to comment

Leave a Reply

Your email address will not be published.


*