Falam Lut Ralhrang Motors Dih Lak Update

Ralhrang motor 22,motor aihre ( civil motor) pa 4 le motor fa 1,an dih lak, 27 hna cu Vankautlang tatkung leiah an kai i,ralhrang motor pakhat cu laansubg ah a kal,an dih lak, motors 28 tinak si. Motor aihre pali hi,thirpum le pipe, thilri lawngte an phor tiah theih si.

Chin ramkulh Mindat peng chung khua pahnih cu ralhrang lei nih raldonak vanlawng in bomb an thlak hnu ahcun CDF Mindat nihMindat peng chung um mipi pawl cu i thup nak ding khur cocia dingin an theihter.

CDF Mindat July 2: zinglei suimilam 11 hrawngah ralhrang ralkap nih Mindat peng chung khua  pahnih cu raldonak vanlawng he bomb an thlak i, mipi umnak inn, Sianginn le biakinn pawl an thih. Ralhrang nih raldonak vanlawng he bomb an thlakmi ruangah kan paraltha pathum zong ram le miphun caah an nunnak an pek.

Ralhrang thlakmi bomb puak nih hin inn, biakinn le sianginn pawl a hrawh hna. Cu bantuk in ralhrang pawl an cawlcangh nak ruang ah hin dalan nih ralhrang sinah thawngpek nak  a um tiah thawng kan thei i, caah cun dalan siseh ralhrang pawl zong an phutawk hremnak kan pe ko hna lai.

July 2, anlei suimilam 5:1 hrawngah meng 4 i um ralhrang pawl check gate kan kah i, ralhrang thi an um hrim ko lai nain, a zat tu cu kan fianh kho lo. July 3, zanlei suimilam 5:45 hrawng zongah Mindat peng chung ralhrang ralkap raldonak vanlawng a arak zuangthan. Ralhrang pawl cu mipi cungah tuksapur in an cawlcang chinchin cang i, cu bantuk thil a phanh tikah I thup khawh cawlh dingin leitang ah thuhnak khur co cio dingah mipi sinah theihter dih kan in duh hna tiah an chim.A tulio hi China ramdang palai cu Myanmar ah a umlio caan a si i, ralhrang ramdang palai he ton biaruahnak an ngei cang. China ramdang palai Wang Yi le Ralhrang ramdang palai Wana Maung Lwin hna an pahnih kar an i ton nak ahcun China ramdang palai nih cun ralhrang palai sinah ram buainak i aa tel mi vial te hi bia I ruah pi dingin a ati.

Hi bantuk cu ralhrang le ASEAn daihnak bia an tuah mi 5 chung ahkhan arak i tel a si nain, ralhrang lei nih an rak zulh duh lo mi asi. Atu ah ralhrang haawikom tha China nih ralhrang sinah ram buainak i aatel mi biate cu ton biaruah dingin afial than ve mi cu ralhrang lei nih hin an zul duh te lai maw ti hi theih asi lo.China ramdang palai Wang Yi nih cun ralhrang ramdang palai Wana Maung Lwin sinah Kannih China nih hin Myanmar ram buainak i mi vialte hna he hin ton biaruah in khuakhan ti nak ngei uhlaw kan duh. Cun Ram buai kongah hin felfai tein tawlrel uh ti zong hi kan duh. kannih China nih cun Myanmar ram ah daihnak a um ding hi kan duh bik mi asi ti in achim.

Ralhrang lei nih cun China nih afial mi le an ti mi hna cung ah hin zei hman chim mi le bialeh nak fiang zei hmanh aum rih lo. Asinan, ralhrang nih cun NUG, CRPH le PDF hna cu ton bia ruah nak kan ngeih  pi kho hna lo. Cun Daw Aung San Suh Kyi zong case ngei lio mi asi caah ramdang palai aho hmah kan ton ter kho lo tiah ca thanh an chuah ve.

China ramdang palai le ralhrang palai cu Pagan ah an i tong. Mekhuang tivapi kong he peh tlai in ram 6 hna cu ni 3 chung ton biaruah nak an ngeih hnuah China palai le ralhrang palai cu a adang tein an i tong. China nih cun Myanmar ram buainak i aatel mi vial te  bia nan ruah khawh hna i, Myanmar ram buainak a a zia a um deuh asi ah cun UN le ASEAN hawikomh nak chung ah hmuar ngei deuh in i tel khawh ding kan in bawm hna lai tiah biakam nak acah chih hna.

Myanmar i China Embassy China ramdang palai le ASEAN palai nih cun ralhrang hna cu rampi nawl ngeih nak cu mipi sinah pekthan dingin an forh lengmang hna i, Myanmar rampi a thatnak ding an buaipi cuahmah lio  a si, tiah ca thanh an chuah ve.

Thin Zar Wint Kyaw – Myanmar Model le lemcangthiam Thin Zar Wint cu atu lio hi Shan ramkulh thanchonak ah lemcang in caan a hman lio asi, cu tin can ahman lio ahcun Shan ralkap pakhat deuh SSPP ralbawi i a fanu pasal ngeih puai ah caan a va hmang ve.

Thanchonak caah muicawl an i thla cuahmah lio a si tikah muicawl an i thlak an ngol cangka in thilpuan zong thleng lo in mopuai hmun cu a va panh cawlh. Muicawl an I thlak nak ahcun Shan ralkap SSPP fawm aa hruk i, mopuai va zawh nak zong ah cun Shan ralkap SSPP fawm he  can ava hmang.

Hi kong ah SSPP nih Shan ramkulh thlanglei thanchonak ding timi hmangin muicawl tuah dingin Thin Zar Wint Kya kan sawm i, July 3 in muicawl thlak hram kan thawk. Nikhatnak lem can  kan dih tikah muicawl thlak nak in Shan ralkap SSPP fawm he Thinzar Wint Kyaw cu Mopuai hmun ah a ra phan ve i, mopa le monu zong an I lawm tuk.

Lemcangthiam Thinzar Wint Kyaw cu thildang politics tel loin thanchonak, fimthiamnak, ngamdamnak le lam tuah thatnak timi pawl muicawl thlak ding in kannih SSPP nih lemcang dingin kan sawmmi a si, tiah thawngthanh nak an tuah.A tu lio ah hin Shan ralkap SSPP le SAC ralhrang karlak ah boruak a tha lo tuk i, July thla thawk ka zong ah khan an rak i kap cang. Ralhrang ni hin SSPP an sakhan 3 thial dingin nawl an pek hna nain, SSPP lei nih kan mah hmun hma chung a si caah kan thial kho loh tiah an ti hna, hi ruang ah hin kahdohnak fak pi in achuak kho tia SSPP lei nih cun an chim.

Hi bantuk dirhmun asi lio ah SSPP lei dirpi in muicawl aathal mi Thinzar Wint Kyaw cu mipi chceukhat nih an siaherh nak an langhter cio. ralhrang pawl nih an tlaih lehlam men te lai tiah a titu zong an tam. Thinzar Wint Kyaw cu ralhrang uknak dokalh in lamzawh duhlonak langhter nak zong arak tuah cang mi asi. Source: Khit Thit media