Falam Peng Khuate Ah Ralhrang Hna An I Mih Cang

Chim ram chung I Falam peng Tibual khua pawng i ralhrang nih mibawh hna nak gate cu ralhrang hna nih nihin January 4, 2022 chun Sml. 10 ah hmunhma kan zohfel tiah an ti lio ah CNDF ralkap hna nih bomb an chiah cu an lamh I ralhrng pakhat athi tiah an ruah I cu hnu bomb apuah nak pawngkam hrawng cu hriam ngan he hriam hme he heh tiah ralhrng hna nih cun an akhah.

Cun zanlei sml. 4 hrawng ah khan Helicopter paklhat cu Tibual I ralhrang sakhan le apawngkam hrawng ah aahel I cu hnu aha ttum. Tibual khua hi Falam in Rih lei ah kal nak lam cung ah aum mi asi. CDF Matupi Nih Ralhrang Sakhan Ankah, Anung In Tlaih Mi An Um

Matupi le Paletwa motor lam pi Thebwi khua pawngah aum mi ralhrang sakhan cu Chin miphun kilveng tu ralkap CDF MatupiĀ  nih nihin January 4, 2022 zinglei Sml. 9 luan hrawng ah khan an luh hnawh hna I kah hram an thawk hna, kaap hnih karlak kahdoh nak asang chin I atu tiang ah hin an I kap cuahmah rih I CDF ralkap nih hliam hma apu tiah CDF Matupi sin in thawngtheih asi.

Nihin kahdoh nak ah hin kaphnih in athi mi um le um lo theeih khawh asi rih lo, atu ah hin kahdoh nak hi adawngcat rih lo, atu tiang dirhmun ah cun CDF lei in mi nung pakhat nih hliam hma apu ti tiang lawng thawngpang aum rih an I kap cuahmah lio rih, tiah CDF Matupi in biachim nak nawl ngei tu pakhat nih Yangon Khit Thit Sinah achim.

Atu i CDF Matupi nih an luh hnawh mi ralhrang sakhan hi minung 50 in 60 hrawng an um nak asi i, tu ni bantuk in kahdoh nak afah hi achuak bal rih lo tiah achim chap. Ni zan ah khan sakhan ah hi an kah cang i ralhrang lei minung 5 an thi I minung 10 hrawng nih hliam an tuar tiah CDF Matupi nih thawngthanh ca an chuah cang.

Ni zan zanlei ah khan Matupi le Hakha lam in ara mi ralhrang ara mi hna cu CDF nih Phanyai le Ngaleh khua karlak ah an kah hna I Ralhrang lei minung 2 an nung in an tlaih hna tiah CDF Matupi in biachim nak nawl ngei tu sinin theih asi.

Be the first to comment

Leave a Reply

Your email address will not be published.


*