Federal Democracy Cu, Multi Democracy Le Federal Ramkomh He Kan Ser Ko Lai : By Min AungHlaing.

Min Aung Hlaing Nih Phoenix TV He Tonnak Ah Zeidah A Chim? Myanmar ralhrangbu hruaitu lubik Min Aung Hlaing cu Taluk cozah ta a simi Phoenix TV nih online in tonnak an ngeih. Cu tonnak ah MAH nih a chimmi a tawinak in ka vun lak! Daw Aung San Suh Kyi cu a ngandamnak a tha ngai ko, a rauh hlanah biaceihzung ah amah mipum in a ra lai i bia a chim lai.

Ralhrangbu nih hin multi-party democracy le Federal ramkomhpi ser dingin kan i tim. Boruak a that in cun thimnak kan tuah colh lai. Suh Kyi nih hin ram a hruai chungah a si khawh chungin aa zuam ko. Rakhel buainak ruangah a thimi hi a ngaingai ti ahcun 300 fai hrawng lawng an si. Zatlangbu hna nih a thimi 700 renglo an si cang an timi cu a dik lomi a si. Cun palik a thimi 47 an si cang i hliam a tuarmi 200 renglo an si.

Ramkhel thongtla hna zohkhenhtu bu a simi AAPP nih cun a Feb 1 in May 21 tiangah 812 an thi cang, tlaihmi hi 4258 an si cang tiah a thanh. Phoenix TV in biahaltu nu hi aa dawh ngai i Saya Aung zong a mithmai a panh dom! A merh lengmang ko. Hi Phoenix TV he tonnak video hi May 20 (Cawn nili ni) ah an thlahmi a si.

Credit:The Chin Post

Be the first to comment

Leave a Reply

Your email address will not be published.


*