Gen- Min Aung Hlaing China I A Zam Kar Lak Ah, NLD Nih A Tuah Ding A Herh Tuk MI Cu?

Min Aung Hliang Tuluk Ram A Zam Kar Ah Rianrang Taktak In Tuah A Herh Mi. Rianrang tein tuah a herhmi CDM a thawn lio te ah hin interim goverment dirh a herh tuk hih. Cu dirhnak ah hruaitu ding cu thimnak ah teitu NLD nan si. Nan golden chance tolh sual lai u cih. China le Russia an cawlcangh hlan ah hin Kawlram mipi nih cozah form zokzok i fek tein kan cawl cangh a hau. Kan tlai sual ahcun tih a nung tuk lai.

Min Aung Hliang China a zam lio ahhin rian rang tein interim cozah dirh zau hram uh! Please!Tutan kan ram buai nak kong he pehtlaiin online in lungthin faknak langhter cio asi. A cheu nih mipi thazang peknak he langhter asi. Mi cheu nih mi dang mawhchiatnak he langhter asi ve. Online chan kan ti cu kan hruh le fim zong, thinlung put zong a hun i fiang colh cio.A bik in ka sia rem lo ngaimi cu tutan thil ah kan lungfak ai tiah caan sau pi ram caah a lung a rak fak i temtuar nak he ram adaw i a dir kamh tu CNA/F cungah dawh cah lo deuh bia kan chim mi hi asi.

An nih cu ram an dawt caah kum tampi chung sifah le tem tuar ithim in nun nak thap in nu le pa, u le nau he hmanh um kho loin ram tangah a um mi an si. Kan nih tu cu a tu thil cangmi kong deuh lawngah caan tlawm te chung ram kongah a cawl cang mi kan asi. Kan i thawh i CNA cu bawmh ti lo ding e, an ralchia e, meithal lawng tleih i e… kan ti. Tutan ah ralkap le palik kha hung kap hna seh..ti kan duh. Kan theih mi le kan duh mi hi a thei lo le duh lo ah kan rel rua hna. Asinain an nih cu kum tamtuk ram ca ah khua an ruah caah zei kan tuah ah that lai ti an theih dih. Kan nih tu cu kan hna bei le saduh thahnak lawngin kan holh.

Ral kah hi hngakchia vuak bantuk men asi lo i voikhat ah adih mi asi lo, a peh zultu consequence a um timi zong kan ruat hau. CNA nih ralkap hi kap hna sehlaw Chin ram ah ral a tho peng lai minung tampi harnak kan tong lai, nu nau pawl an tuar lai, thong tla kan tam lai, ei awk a har lai etc.. Cu tik ah na nu na pa na chung khat le khua mi nih tuar hna seh law na duh nai sai lai lo. A vui hram bik na si than lai. Cucu CNA nih an hngalh caah a tha bik lam an kawl mi asi.

Bawmh le bawmh lo kongah kan bia a tam ngai. CNA khi miphun dawtnak zun hri nih ramtang ah a tem chih hna i dawh asi cuh nang le kei bawmh an hau lo an mah tein an paw an i cawm kho ti theih a hau. Sinain ram ca rian an tuan nak ah an mah lawng asi kholo mipi nih tuah ve ding thil a um cucu phaisa tha asi. Cucu kan thawh tik ah CNA kan bawmh hna tiin ruah ding silo ram ca le mah le inn chungkhar cio luatnak caah phaisa i thawh khi asi, contribution asi ko. Mi rian kan bawmh hna tik ah thilri le chun caw cu rian fialtu tuanvo asi. Cu bantuk cu asi ve.

CNA nih Kan mah bang duh ahcun ram dang an phan kho ve nuam tein an um kho ve ti philhlo ah a tha. Lenglei rak au len zong hi fim asi lo, ralthat zong asi lo, thil ti khawh zong asi lo. A au mi nih phaisa zong an tho lem tawn lo. Mi nih nun nak an thap lio ah Fang hnih khat thawh ruangah au len zong hi ning zak asi. Kan mah nak fim le thei mi fim chimh le rianfial len zong hi hruh pakhat asi. Mifim bia ah, lunglomh lio le thin hun lio ah i palh sual a tam tawn ti asi. Tutan kan ton mi harnak ruangah khua ruah le biachim i palh sual lo ding a biapi tuk.

Credit: Rev.Dr.Van Bawi Kam Zaitu ( USA )

Be the first to comment

Leave a Reply

Your email address will not be published.


*