Gen-Min Aung Hliang Le A Party Pawl Caah,Thin Phang Tuk A Si Cang.US Nih Zeitin Dah A Ti Hna?

U.S President Joe Biden nih tuni ah Myanmar ram i hramhram in nawlngeihnak a latu ralkaap Cozah hruaitu lutlai hna hremnak ka pek han lai tiah a von phuan. Ralkaap hruaitu lutlai hna le an chungkhar hna cu nawlpek (sanction) an si tiah phuan a si.Ralkaap nih Goverment fund $ 1.billion U.S i an ngeihmi zong zeiti hmanh in an tongh khawh lonak hnga kham (block) dingin timhtuahnak an ngei cuahmah lio i Nawlpekmi (Sanction) hi Naypidaw i duhlonak an langhternak i nu pakhat a lu i kahthah a si hnuah phuanmi le nawlpekmi a si.

Myanmar ram ah mipi hna nihinni tiang fakpiin ralkaap uknak kan duh lo ti langhter nak ah a khuapi kipah a lamkip in duhlonak langhter an pehzulh peng ko rih. Biden nih ralkaap hna nih nawlngeihnak an lakmi thimnak i teinak a hmutu hna sinah pekchanh dingin le Aung San Suu Kyi le hruaitu dangdang hna chuahter dingin a ti fawn.President Joe Biden nih a chimmi cu,“Myanmar mipi au cuahmah i, hi an aunak hi vawleipi nih kan zoh cuahmah ko. A herh ahcun, kan cawlcang ṭhan rih lai,”tiah President Joe Biden nih cun a chim.

A chim rihmi cu,“Duhlonak langhter in lamzawhnak a karh in a fak chin thluahmah i, hi bantukin Democracy bantukin nawl an ngeih (right) ko bu in thazaang chuah in dohnak (hriamhrei hna hmangin an cawlcangh ahcun) an um ahcun, cucu kan cohlang kho lai lo i kan lehrulh hrimhrim hna aherh lai,” tiah a chipchap fawn.Atu bantukin US President thar Joe Biden nih nawlpeknak a tuahmi hi President a si hnuah a voikhatnak bik nawlpeknak a tuahmi a si. Chirhchan: BBC

Be the first to comment

Leave a Reply

Your email address will not be published.


*