Gen-Min Aung Hliang Nih A Cerh Ti Lo I,Ram Dang Bawmh Nak A Hal Cang.

Democracy ttanhnak ah na ka bawm lai tiah Kawl ram uknak latu ralkap hruaitu sin in cakuat ka dong tiah Thai Prime Minister Prayut Chan-o-cha nih nihin February 10 ni a chim. DVB nih a tarlangh.Former Senior General Prayut zong hi 2014 kum i Thailand ram General Election lio ah mipi nih an thimmi Prime Minister a thlak i hramhram in nawlngeihnak a latu a si i, ram inn pa hna Democracy phung an kalpimi ka ttanhpi peng ko hna tiah Bangkok khualipi i thawngfianhnak an tuah lio ah a chim.

Kanmah nih cun Kawlram nih Democracy an kalpi cuahmah mi hi ka lung tling i thazaang ka pek hna. Nain nihin a biapibik mi cu (ram hnih kar ah) a thami pehtlaihnak a um peng khawh hi a biapi a si. Zeicatiah, tulio ram hnih ramri pehtlaihnak le chawlehthalnak hi ram mipi ca a thahnem” tiah Prime Minister Prayut nih a chim.Thailand ram nih Democratic riantuannak an cohlannak i, a tangmi cu zeitindah kan kalpi lai timi cuanh ding lawng a si tiah PM Prayut nih a chimmi Bangkok Post media nih a tarlangh hi a si.

Ralkap uknak lakmi dohnak ah Kawlram pumpalulh ah kum hra chung ah a zualhmabikmi sandahpiahnak a chuak. Thailand ram zong hi Bochogyi Prayut duhlotu hnaa nih a rian ngol ding in duhlonak langhtertu tu thla chung tiangah hmuh khawh an si rih.Theih ding: Thailand PM Prayut hi Thailand ralkap hruaitu a rak si ve i, 2014 kum thimnak lio ah mipi nih an thimmi PM a thlak i amah nih hramhram in uknak a lak ve. Nihin tiang cozah lutlai a sinak ah a hlawh tling. Cu caah Min Aung Hlaing nih a bochan i, bawmh hal dawh hi a si.

DVB

Be the first to comment

Leave a Reply

Your email address will not be published.


*