Gen-Min Aung Hliang Nih Remnak A Duh Lo Siah Cun, Lam Dang A Um Lo I,Kan Phomh Lai : By. US Defence Secretary.

Kawlram buainak konglam he pehtlaih in US Secretary nih a ruahnak a chim ve cang.Ralkap hna cu ttha tein kan chimh hna lai i, an duh lo siah cun lam dang a um lo i,kan phomh ko cang lai tiah a chim.Tu lio cu kan ram buainak kongah ram mipi nih UN maw US hi kan i bochan tuk hna lio si bantuk in zei bantuk bia dah an chim lai i zei thil dah an tuah lai timi rumro hi Kawlram mipi nih kan bawhmi siko.

Cu ruangah mah kong hi Myanmar tiah Particular te cun a chim lo nain Kawl media hna zong nih an vun thlah caah kan vun leh chinnak si.American ram Department of Defense lei in secretary simi Llyod Austin nih cun a nemnak tein kan chimh lengmang hnami an duh lo ah cun teinak hmuhnak ding ah kan kah hna lai tiah a luan ciami suimilam zei maw zat chungah khan Department of Defense Twitter cungah a thlah.

Mah bia a chim mi hi khawika ram dah a chim duh mi si hnga tiin ruah lending a um nain atu lio kan kawlram kong hi a chim duhnak cu si ko lai tiah an zumh mi cu asi. cu si caah a cung lei ah ka chim cang bang tulio ah vawlei pi theih in a buai bikmi le ralkap nih mipi an thah cuahmah nak ram cu Kawlram a si.

Hi kong buainak ah hin, US president Joe Biden zong nih a nemnak tein bia a chim lengmang i ramkhat le ramkhat kar rianttuan nak in tthatnak panh pi ko hna tiah a chimh lengmang, a si nain nihin caan tiang kan Kawlram chungah ralkap kut in minung kan thih cuahmah rihmi hi US nih kan zoh sawhsawh ti hraam hna hlah seh ti hi kan saduhthah cio mi si caah mah ca hi kan vun lehnak asi lengah a sikho mi thil asi caah mipi theih in ka vun langhter nak hi asi.

Credit :VOA

Be the first to comment

Leave a Reply

Your email address will not be published.