General Min Aung Hliang A Thil Tuah Mi Hi Ruah Riangmang Ah Cun Ningzak Tuk Siko.

Mahkut in tialmi upadi(phunghrampi) hmanh upat le zul loin a voi 3nak rampi uknak hramhram in a chuttu Kawl ralkap thil tuahmi cu cohlan awk a tha hrimhrim lo i ka dohkalh bak.NLD le UEC nih thimnak an tawlrelnak ah palhnak le dikfellonak tampi a um ko. Kan lung tlin lonak a tampi ve ko. Asinain cu ruangah ralkap nih uknak tlaih/chuh awk a si hrimhrim lo. A taktak ti ahcun tutan thimnak cu a hnawmtam pah kan ti ko bu ah ralkap le USDP nih an rak tuahmi kum 2010 le 2015 thimnak nakcun a thianghlim deuh kan ti khawh lo hmanh ah a thurhnawm deuh lo hrimhrim. Cucaah ralkap nih ‘uknak chuhnak tlaak’ aruang a si hrimhrim lo.

*Ramkhel ruangah a tlaihmi hna an dihlak in a rannak in thlah uh,*Ramkhel buainak hi ralkap thahrum ibochan loin cabuai cung chawnhbiaknak in a lam hawl uh,*Ramkhel buainak hi ralkap thahrum ibochan loin cabuai cung chawnhbiaknak in a lam hawl uh,*Ralkap uknak Zualral Dirhmun order nan chuahmi hi a rannak in ngol uhlaw mipi thimmi cozah sinah uknak ap uh. Rampi daihnak ruat in…

General Min Aung Hliang nih hin,President ttuan duh ruangah maw,silo le a chungkhar hna nih chawlehnak tuah an duh ruangah maw sihnga,hi bantuk in Aanaa a ting mi hi cu,a dik lo mi le a hman lo mi asi tiah vawlei cung ramkip nih an mawhchiat cang.Amah nak hmanh in kawlram minung (mipi) hna caah ningzak tuk a siko cang.dawhdawh cahcah loin hi bantuk thiltuah hi cu,a hawi le ralkap hna zawng nih zeitin dah an duh pi hnga.silo le ralkap hruh le mawlh nih dah an pum chungah setan he i bawmh in,rian an ttuan cang hnga ti cu, ruah len ding tampi a um mi cu asi.
(Salai Ceu Bik Thawng)

Be the first to comment

Leave a Reply

Your email address will not be published.


*