Good news; CDF-Mara nih an dirhnak cathanh a chuah ve cang

CDF-Mara an nih dirhnak cathanh a chuah ve cang
=============

Ramchung ramleng Mara mino hna le mibu riantuannak kip he fonh ti in mah phun le hmunhma kilveng ding ah Chinland Defense Force-Mara (CDF-Mara) cu kum 2021, May ni 27 ah a tang lei timhngeihnak he dirh a rak si.

1. Ralkap uknak a hram in hrawh i Federal democracy ram ser ding.
2. Mara hmunhma chung a um mi mipi i an nunnak thilri cu harnak le fahnak a pe kho cu ralhrangbu ral in kilven ding.
3. Mipi i nunak le thilri chawva harnak le fahnak a pe kho tu ralhrangbu hna sin ah thawngpang a petu Dalan hna cu fakngaiin dantat ding.

4. Ralhrangbu nih uknak a lak mi cu a kenkip in dohthlennak a tuah tu National Unity Government(NUG), Chin National Front(CNA/F), Chinram chung mipi kilveng phu hna, CDM hna he fonhti pehtlaih in pakhat le pakhat bawmh cio le kilventinak le ramkhel he pehtlaih in biaruahnak tuah ding. Crd. CDF-Mara

Magwe ramthen, Kyaukhtu(ကျောက်ထု) khua ah tu ni September ni 9 ah Sml. 9:00 hrawng ah Kyaukthu in Pakokhu lei ah a kal mi ralhrangbu Mataw pa 4 cu Pone Taung Pone Nyar hmunhma pakhat khat ah Kyauktu PDF nih bom a puah in a tuk caah ralhrangbu pa 15 renglo an thi tiah Kyauktu PDF nih thawngthanhnak a tuah.

Mah ralhrangbu a rual in a kal mi cu a voi 1 nak PDF nih bom a puah hnoh lio ah hnu lei a kir manh than i Kyaukhtu PDF nih a voi 2 nak pehzulh in lam in kan bawmh i kan tuk hna ca’h ralhrangbu lei in pa 15-20 hrawng an thi i hliam a pu mi le mawtaw pa 1 cu bom phum mi a pah ruang ah a rawk tiah Kyaukhtu PDF nih fehternak a tuah. Crd. Khit Thit Media

India ram nichuah lei Assam ramkulh Johar khua ah khualtlawng cu Dozens a phor mi tilawng pakhat nih a dang tilawng pakhat cu a pah i apil caah minung pakhat a thi i minung 30 leng an tlau tiah a hmu mi hna nih September 8 ah an chim.

Bawmhchanhnak rianrang in tuah ding ah Marjuliele Johar nawlngei tu hna cu kan chimh cang hna tiah Assam Chief Miniser Hemantabis Wasama nih Twitter cung ah a langhter. Khuami hna nih anmah tilawng tein an ra i an bawmh hna minung 42 cu an bawmh khawh hna i minung 30 cu an tlau tiah Johar khua Palek bawi nih a chim. Crd; The Chin Post

Be the first to comment

Leave a Reply

Your email address will not be published.


*