Good news: Kalaymyo ah Ralkap pa 20 hriamnam tlamtling put in an zam

Kalaymyo ah Ralkap pa 20 hriamnam tlamtling put in an zam
=============

Sagaing ramthen, Kalaymyo peng chung ah cawlcangh mi Sakhanpi in ralkap 20 hrawng hriamnam tling in tunai ni ah an zam i ralhrangbu nih helicoptar hmang in Kalaymyo Chaklei dihlak cu a kawl cuahmah lio a si tiah theih a si.

” thawngpang cu a fiang. Kalay-PDF zong nih fehternak a tuah. A hmasa ah cun PDF hna cu a kawl hna tiah kan ruah. A hnu deuh ah an mi hna cu a kawl hna tiah kan theih. Ralkap pa 20 hrawng luatnak le himnak hmun an phan cang tiah kan theih tiah Kalay khuami pa 1 nih a chim. Mithalo ralhrangbu nih ralkap an zam nak konglam cu an a pheh peng i Thawei, Pyi le a dang hmun zong in ralkap hna cu CDM an lut i an zam nak zong a rak um ve.

” Nizaan Kalay chaklei ah helicoptar cu caan sau ngai a hel i ralkap mawtaw zong lam kip ah a hel cu hmuh a si. An ralkap an tlau ruang ah an kawl cu hnu deuh ah kan theih tiah a dang Kalaymyo khuami pa 1 nih a chim. Ralhrangbu kal tak in Mipi lungthin chung ah a rak i dawr mi ralkap 2000 hrawng a si cang tiah CDM ralkap hna sin in kan theih. Crd. Khit Thit Media

Thlanglei Laitlang, Matupi peng , Chainpian(ျခန္းျပန္း) khua ah August 20 ni le 22 ni ah tlaih a tong mi mino pali hna cu ralhrang phu hna nih NUG profile nan i tuah ti ruangah sual an phawt hna tiah theih a si. “24 ni ah pohmah an pek hna hi a si. Tlaih a tong mi hna cu atu an hman mi profile ah NUG lungtlin pi nak nan i tar tiah pohmah an tuah hna.A tu lio ahcun mino tamdeuh nih cu bantuk profile cu an i tar cio ko ” tiah Matupi khuami pakhat nih a chim.

Cu hna cu Mindat check gate le Phanaing khua le Matupi kar gate ah an tlaih hna hi a si, pohmah 52(a) in taza an cuai hna tiah theih a si.Tlaihkhih a tong mi hna cu Salai Di Zin Thang,Salai Thae Tui,Salai Thawng Ping le Salai San Thein hna an si, Mai Lay Lay Win zong tlaih mi ah an i tel nain August 20 ni zaanlei suimilam 6:00 ah an thlah than hna tiah theih a si.

Kawlram ah NUG cu lungtling in, ralhrang phu cu kan duh lo ti langhter nak(Accept NUG-Rejeck Military) tiah facebook cung profile thlen cawlcanghnak cu August thla ni 8 ah rak thok a si, August 15 zaan tiang ah cu cawlcanghnak chung ah a tel mi mipi Facebook account dihlak hi ting 30 le ting 4 luan an si tiah (General Strike Coordination Body-GSCB) phu cazin ning ah theih mi a si.

Atulio Matupi peng ah ralhrang uk duh lo mi hna le,CDM cawlcanghnak ah a tel tiah ruahmi Matupi khuachung in minung 10 tel in dihlak ah minung 14 tlaih an si tiah theih a si. Crd. The Chin Post

Be the first to comment

Leave a Reply

Your email address will not be published.