Good news; NUG Acozah nih PDF hna cu a rauh hlan ah hriamnam kan pek cang hna lai tiah a chim cang

NUG Acozah nih PDF hna cu a rauh hlan ah hriamnam kan pek cang hna lai tiah a chim cang
============

People Defense Force (PDF) hna cu hriamnam pek dingin timhtuahnak kan ngei cuahmah lio, an dihlak in pek dingah cun tlawmpal hngah rih a hau ve tiah NUG cozah Natural and Environment Minister a simi Dr. Toe Khaung ဒေါက်တာတူးခေါင်) a social media ah a langhter.

Ramchung ramleng Myanmar mipi hna nih NUG le CRPH ah an hlutmi tangka cu US Dollar million 17 leng a si cang nain zeihmanh an tuah bal lo tiin phunzainak bia a um pah caah atu bantukin Dr. Toe Khaung nih a social media ah a langhtermi a si.

Dr. Toe Khaung nih cun “Ramchung hmunkip ah a ummi PDF hna caah herhbaumi cu a tam rih ko. Peng pakhat ah meithlai 100 pek ding hmanh in zun 33000 a hau. Atu tiang kan hmuhmi tangka million 17 man kan cawk hmanh ah zun 5000 hrawng lawng a ngah lai, mah nak hmanh in a fak deuh lai” tiah a tial.

Khatlei ah ralhrang le mipi vengtu ralkap kahdohnak a fak chin lengmang fawn. Chin ramkulh, Kaya ramkulh, Kachin ramkulh, Karen ramkulh, Sagaing le Magway remthen hna ah nifatin kahdohnak a um peng.

Gangaw lei ah cun ralhrang nih misawhsawh thuam he tuahchom meithal i put in mipi vengtu ralkap bantukin an cawlcang lengmang tiah theih a si. NUG Minister Dr. Toe Khaung zong nih mipi vengtu ralkap bantukin a cawlcangmi ralhrang hna kha tha tein i ralring hna u tiah a social media ah a tial chih. The Chin Post

Mon ramkulh Tathung in Belin lei ah a kalmi ralhrang phu hna motor cu nihin September 21 zinglei ah KNU le PDF phu fonh nih bomb puah hnawh in an doh hna caah ralhrang motor pakhat cu a rawk, a thi mi zong um dawh an si tiah theih a si. Nihin zinglei suimilam 11:00 ah Tathung pengin Belin peng lei ah a kalmi ralhrang phu hna le ralhrang riahcaw a phormi ralhrang phu hna motor cu Yangon-Mawlamyine motor lampi, Dohyat khuapawng ah bomb puahhnawh in doh an tong.

ralhrang motor cu a leh caah a rawk, ralhrang phu lei in hliamtuar le a thimi an um kho tiah PDF thawngzamhnak nih a langhter. “A thimi le hliamtuar zat cu fiangin theih a si rih lo, motor pakhat cu a let, anmah ralhrang phu lila nih fimtawlnak an tuah” tiah khuami pakhat nih a chim. The Chin Post

Be the first to comment

Leave a Reply

Your email address will not be published.


*