Good news; September thla ni 1 thawk in Ralbawi. Pu Mang Lai nih CNA/F hruainak tang ah CDFs phu 12 fonh in JMC kan dirh cang

September thla ni 1 thawk in Ralbawi. Pu Mang Lai nih CNA/F hruainak tang ah CDFs phu 12 fonh in JMC kan dir cang…
===========

September thla ni 3, Vauruang Zuunthil biaruahnak ah CNA/F kan ralbawi Pu Mang Lai nih September thla ni 1 thawk in CDFs phun 12 fonh in Join Ministry Council cu CNA/F Headquarters a si mi Victoria Camp ah kan dirh cang tiah a chim. JMC kan dirh ah hin CDFs peng kip tlang kip in phu 12 chung in phu aiawhtu pa 1 cio CNA/F Headquarters an rak phan i CNA/F hruainak in kan dirh tiah a chim. A hnu ah cun CDFs aiawh tu phu 1 cio office hi Vicroria Camp ah kan dirh cang lai i cu ti cun phu khat le phu khat i ukhruai nak ah kan lam a tluang deuhlai tiah a chim.

Chinmi hriamtlaitu CDFs le CNA nih tutan an dothlen liomi ah teinak an hmuh hrimhrim lai ti a fiang. Lungrual cu teinak a si tiah an ti bangin Chinram hriamtlai phu 12 nih Join Military Council an dirhmi hi a tetuai lo; mah JMC nih Chinram a khamh/tlanh hrimhrim lai,phu 12 kha dahkaw phunkhat bantuk ah an ifun cuh,aa funtommi phu cu an sung meimei lo tikha zapi theih cio si.

Hriamnam zong cu heh tiah CNA/F nih an zalh cuahmah ko rih,a tam khawh chung tamin hriamnam cawk le zalh an itim.Mahbelte vanlawng kahnak bel hi a cawknak har deuh kaw meithal bantuk cun fawite hei cawk awk ttha lo mi si.Nain timh ahcun a lam um peng ko ti si caah vanral vennak zong cu a tlawmtam a phan chom ko lai.

Chin mino hna thinlung ah dothlennak a fektuk cang,hriamnam nakin kan thinlung biapi deuh timi ahkhan,kan thinlung cu sersiam fel dih si caah tucu hriamnam kha duhtawk deuh hun hman khawh awk in hun zalh kha si ko cang. Naite CNA Campah tuah mi JMC ah aa tel duhlo Chinmi hriamtlai chungin nan um ahcun a ran nakin rak ipeh/fonh colh ve uh,kan thazang fun caan si,kan ifun ahcun kan ral kan tei lai.

Mah kan ralpa hi kum 1/2 menah tei lo kho si,kum 4/5 rau khomi ral si caah felfai tein doh haumi a si caah capawl khangh bantuk in chikkhat aa hliau mi sinak in,kum zeizat rauh zongah kan ralpa hi ado kho tu si ding khan i timhtuah a haumi si.

Vuivai hi isum hau,vuivainak nih khurkhua diklo ruahnak a chuahpi tikah vuivai thai in nunhman a fawite caah vuivai lo tein lungthiang tein JMC ah rak ifonh uh, a vuivai pengmi nih ral an tei bal lo; a vuivai le mah phu pakhat men zalon duhtuknak nih ahrinmi cu, Shan state khi a si ko. Shan state ah hriamtlai phu tampi an dirh I a donghnak ah an ral do kho loin anmah le mah an I do ko. Chinramah mah bantuk um lonak dingah vuivai lo tein JMC ah rak ifonh(join) colh ve uh. Crd. Chiland 7 Post

Be the first to comment

Leave a Reply

Your email address will not be published.