Good News Si Cang : KIA Nih Ralkap Sakhan Tam Tuk An Lak Cang.

Kacjin independent army ( KIA ) hna nih cun thla khat fai chung ah Myanmar ralkap sakhaan (10) hrawng an lak khawh, tiah theih a si.
March 25 ah KIA nih abiapi ngaimi Kawl ralkap sakhaan Alaw Bum an rak lak i cu thawk cun hmun kip ah kahdohnak fak ngaiin a chuak zungzal.

kah doh nak a chuah tam bik nak hi,Abikin Phakanh peng, Moekaung peng, Waingmaw peng, Putao le Tanaing peng pawl KIA nih Kawl ralkap sakhaan an doh hna.Phakanh ah cun Myanmar ralkap 30 hrawng nih KIA sin ah hriam an chiah timi thawngpang zong a thang.

Sakhan an lakmi pawl hi sakhaan fa tete he fonh ah cun 10 leng a si lai. Acheukhat hmun ah cun Myanmar ralkap nih sakhaan lak tthan ding in an rak doh hna. Cun, KIA nih an lak hnu ah anmah KIA le Myanmar ralkap nih hmunkhuarnak ah hman ti loin kaltakmi sakhaan pawl zong an um,” tiah Kachin upa pakhat nih a chim.

KIA nih an lak cang mi, Alaw Bum tlaang sakhaan zong Myanmar ralkap nih lak tthan ding in vanlawng in an kah peng nain atu tiang an la kho thai ti lo.KIA le kawl ralkap karlak kahdohnak hi Kachin ramkulh chung lawng ah si loin Shanram nichaklei zong pehzul in kahdohnak a um.

Credit : The Chin Journal

Be the first to comment

Leave a Reply

Your email address will not be published.


*