Good News : Thongpang Ttha Theih Ding A Um Pah Len Cang.

Kawl Ralkap caah thawngchia chin lengmang cang ko,an lung dawng pah cang ko hi,arauh hlan ah teinak cu kan hmuh ko cang lai.Kawlram buainak ah, palik hruaitu (officer) pawl thil tuah ning cu thawngtha bak si ko, mah bantuk lungput an ngei mi hi zeidah aruang ti si ahcun, kawlram chungah ralkap uknak an duh lo ning fiangtein avun langhter thluahmah ko cang.

Kawlram palik officer 100 leng cu an rian an chuah tak cang i, CDM movement an zawm cang tiin source nih a chim.
Atu record nih alangter ning ahcun Myanmar ram palik officer 100 leng nih CDM an zawm cang tiin a chim.Mah hi officer lawng a chim mi a si, Officer si lo in palik a tuan mi, CDM a zawm mi tampi an um cang.

Acting palik Colonel Tin Min Tun, 54, Yangon palik Department nih video message ah a chim mi le tu tan kawlram chungah, mah bantuk in Min Aung Hlain nih aa na hmangin uknak lak a tim caah mipi lei ah a tanh ning kong zong a chim cang.Amah hi palik CDM a zawm mi ah rian sang bik a tuan mi a si.

Nili Ni ah palik Station Kachin State, Bokpyin palik Station,Tanintharyi Region palik 17 nih CDM an zawm ti an chim ve. Atu palik officer, CDM a zawm mi dihlak cu minung 100 leng an si cang.Assistance Association for Political Prisoners (AAPP), report nih a langter ning a cu, Police Force Maintenance Discipline Law hmang in ralkap nih palik 3 cu an tanter lio a si tiin a chim mi cu asi.

Credit-RTK

Be the first to comment

Leave a Reply

Your email address will not be published.


*