Good News; Tu thla chung, Mipi ralkap(People’s Soldier) ah MAH ralkap 500 reng lo CDM lut ding min an i pe cang

Good News; Tu thla chung, Mipi ralkap(People’s Soldier) ah MAH ralkap 500 reng lo CDM lut an i timh cang
=====================

Caan karlak NUG Acozah(INUG) nih himvennak an kan bawmh kho ah cun thla 1 chung ah a hlei in ralkap 500 hrawng CDM lut ding cazin a um tiah Mipi ralkap Bu(People’s Soldier) nih August ni 19 ah a langhter.

Mipi ralkap Bu cu CDM a tuah mi ralkapbu in ralbawi hna, ralkap hna caah INUG he pehtlaih piak, bawmhnak peknak zong a tuan mi bu a si. Ralkap 500 hrawng an lurel cu kahdohnak thazang ning in cun batallion pa 5 hrawng a si i mipi le mipi ralkap i fonh hi thiluannak a tlawm bik le teinak hmuhnak lamthluan a si nak cu Mah bu nih a langhter.

Tuni Thawei peng zong ah a um mi Kha lah yah (25) in ralkap pa 25 hriamnam put in an zam i, Nizaan zong ah Tayet peng zong ah himvennak thilri sehzung in ralkap pa 10 reng lo an hriam he an zam ti ah khua chung thongpang ah an langhter.

Himvennak le Covid ruang ah a leng ah chuak kho rih lo in ralhrangbu chung ah a um mi, CDM tuah a duh mi ralkap le ralbawi hna nih mipi lungthin bu chung ah pehtlaih in INUG Himvennak Minister a theih pimi Pre-CDM code lak khoh a si tiah mah bu nih cun a chim.

Pre-CDM code chuah a duh mi ralhrangbu chung a um mi hna cu mipi thinglung bu sin ah @MyanmarPeople Telegram http://t.me/MyanmarPeople in pehtlaih in kherhlai nicang zulh in hnatlak nak in tuah i code hna lak khoh a si tiah mah bu nih cun a chim.
Crd. Khit Thit Media

Be the first to comment

Leave a Reply

Your email address will not be published.


*