Good News : UNHCR Bawmhnak a Phortu Motor pawl Mindat ah an Phan

UNHCR Bawmhnak a Phortu Motor pawl Mindat ah an Phan
————
Mindat ralzaam hna ca ah bawmhnak a phormi UNHCR motor pawl cu Nizaan zaanlei ah Mindat khua ah tluang tein an phan hna. Nihin ah COVID-19 zulhphung he i ruang in Mindat inndawng 1,000, milu 5,000 ca ah bawmhnak thilri pawl an phawtzamh hna lai, tiah kan theih. The Chin Journal

thawngpang dang relchap : Manday Ah Sii-Bawi Thiamsang Pakhat Rallokap Nih An Tukvelh Hnu Ah An Kal Pi

Mandalay Ah CDM A Tuah Mi Min Thang Ngai mi Pum Hlai Thiam Doctor Tat Htey cu Rallokap nih An Tuk An Velh I An Kal Pi Mandalay ah pum hlaithiam a minthang ngai mi siibawi Tat Htey cu rallokap nih July 16 ni ah an tuk an velh i an kal pi tiah Mandalay ngandamnak lei a tuan mi chung in tuni ah thawng an thanh.

Kawlram ah a voithumnak a chuak than mi Covid-19 zawtnak ruang ah a thi mi an tamtuk lio i rallokap pawl nih a thiamtuk mi siibawi Tet Htey cu July 16 ah antuk an velh i an tlaih hi sii-inn pakhat ah mizaw a zoh i inn lei a tin lei lam ah an tlaih hi a si.

CDM cawlcanghnak in February 1 thawkin mipi bawmchan tu sii-inn hna ah a lak tein mi zaw a zoh piak tu siibawi pakhat a si.Dothlennak ruang i aa khawngdeng mi hliam a tuar mi hna zong a zohkhenh tu a si tiah kan theih.

2021 kum March thla le April thlachung Mandalay i uknak duhlonak a langhter i thazaang a chuah tu mipi hna cu rallokap nih chun he zan he an kah hna lio ah siibaw Tet Htey cu mipi hliam a tuar mi zohkenh ding ah timhcia tein a um peng mi a si.

Zaantim deilei caan rallokap nih lamkhat ah an lut lamkhat ah an chuak i mipi an kah hna lio caan hna zong ah siibawi Tet Htey cu amah mawtaw te i khalh in a khawng mi pawl sin a va phan i a va zoh kenh hna.

Siibawi Tet Htey hi a zaw mi a zoh kenh hna lawng si lo in dohthlennak tuah lio caan ah Sii le siangngakchia hna pehzulh in sianginn an kai than khawhnak ding caah thatho ngai in a pawngkam in a kut tang a ngakchia pawl kha ca a chimh hna i Online platform hmang in man ngei ngai mi lecture pawl cu pel lo tein a chiah peng tiah an chim chih.

Sibawi Tet Htey hi traning a kai hlan ah hin rian a tuannak Sii-inn cu Mukuk khua pi ah a ummi Ihkhun 100 tlum mipi sii-inn pi ah a si. The Chin Post

Be the first to comment

Leave a Reply

Your email address will not be published.


*