Hakha Ah Uico Ralkap le CDF An Ni Phomh Cang.Ralkap (4) An Thi Cang.

Chinland Defense Force (CDF) Hakha caah thlacam hna usih. Atu hi Cawbuk ah Min Aung Hliang hruaimi ralkap le Mipi vengtu ralkap (CDF) an i kap tiah thawngpang theih a si cang.

Hi kong he pehtlai in The Chin Post nih “ Cawbuk Gate cu mipi vengtu ralkap (CDF) nih an lak cang” tiah a langhter.

Hi thangpang kong he pehtlai in The Chin Journal nih “Hakha, Cawbuk khualuhnak lei ah SAC ralkap le mipi runvengtu an i kap. SAC ralkap nih thazaang an chap. Khuami pakhat nih, “Atu hi Leisen tivakam in SAC ralkap le palik nih motor 6 nih an bawh ko hna,” tiah a chim. CCU ah a ummi saya pakhat zong nih, “Cawbuk ah an i kap ko,” tiah a chim.

SAC lei in ralkap pakhat a thi tiah an ti nain cucu The Chin Journal nih a dang tein kan fehter kho lo. Khuathar Billiard kahnak an luh hnawh lio ah minung pakhat zong ralkap nih an tlaih. Cawbuk kahdohnak kong pehzul in thawngthanh kan i zuam lai” tiah a tarlangh ve.

“Chin World nih cun Ralkap a tlawmbik ah minung(4) an thi cang tiah a tarlangh ve. A si nain CDF lei a thi mi an um rih lo ti asi”.
Hakha mipi le CDF caah biatak tein thlacam hna usih. Atu zong hi thawngpang a daih hlei rih lo caah kan umnak hmun cio in CDF nih teinak an hmuh khawh nak lai, thlacam hna usih. Ralkap lei nih an thazaang zong an chap cuahmah ti asi. Pathian nih CDF venghim ko hna seh. Amen..

Be the first to comment

Leave a Reply

Your email address will not be published.


*