Hakha CDF Hna Cu Uico Ralhrang Hna Nih, Misual Phu An Si Tiah Sual An Phawt Ve Cang Hna.

Hakha CDF-Hna Cu, an raltthat ning le an mah le mah zumhnak an ngeih ning cu uar an um kho tuk. Zei bantuk sakhan poah kan lak khawh tiin a vu ti bak ko. Theih a nuam kho tuk. A tangah tling deuh in vun rel ve. May 8 ah hriamnam tlai minung 15 hrawnghrang umnak Surkhua Ralrang sakhan cu CDF-Hakha nih Hakha in ahlatnak meng 50 ah an vakal hnawh hna.

An phanh le phanhlo sin bak ahcun ralhrang hna cu an lau taktak ii an hriamnam pakhat taktak hmanh ilak manh loin an zam dih. Hihi May 8, tuzing ah a si ii sakhan he hriamnam he an lak khawh tiah CDF biachimnak nawl ngeitu pakhat nih cun achim.Surkhua ralhrang hna hi CDM ah tel dingin an sawm len hna nain minung pahnih lawng nih CDM luh an duh i minung 15 cu sakhan ah an taang ko.

Hi bantuk an sakhan ah rak kir ii umnak ngah tilo dingin CDF-hakha hna nih cun an umnak sakhan inn cu mei in an khangh dih cikcek. Zei bantuk an sakhan poah kan lak kahwh timi hi theihter le warning pek kan duh hna. Ka nawlmi hna le kan chim ciami hna an ngaih lo asi rih ahcun hinak fak deuh in cawlcangh kan I tim rih tiin a chim chap fawn.

Hakha khuapi chungah minung 60 tluk an tlaihmi hna cu May 2 ah thlah hna uh tiin nawlnak cathanh an chuah.Asinain chuahpiak aum lo caah CDF-Hakha nih an kah hna ii ralhrang minung 10 an thi cang. CDF-Hakha nih hi bantuk in mipi akirven khawh peng asi ahcun arauh hlan hrimhrim ah teinak kan hmuh lai. Bawipa nih umpi in teinak sunglawi pe chin zungzal ko hna seh. Ref:MMN

Be the first to comment

Leave a Reply

Your email address will not be published.


*