Hakha Dandah Piak Mi Pawl Police Nih Tharum In An Tthuat Cang Hna.

Hakha Mino Sandah piah mi pawl Police nih Tharum in an doh hna.Hakha ah Ralkap duh lonak a langhter tu, Sandah piahtu mibu hna cu Police nih an rat hnawh hna i Ti in an khah chih hna. Nihin ah Hakha mino an cawlcangh ning cang zoh tikah uar an um tuk hringhran. Police le Ralkap nih an rat hnawh hna nain hnu pil an tim lo. A si nain raltha taktak in an au, raltha taktak in hmai ah an fon hnawh hna.

Police lei nih Meithah nak Motor in Ti an rak rat pi Sandah piahtu mibu hna cu Ti in an kah hna, a si nain Mino pakhat hmanh hnu an pil lo, Ti an kahnak ah an dihlak in an dir, hmai ah an fong chih dih hna i Ralkap uknak kan duh lo tiah fak taktak in an au chih hna.

February 1, Ralkap nih hramhram in Ram mipi uknak an kan chuh hnu sandah piahnak thok a si in nihin tiang, mino rual tampi, nulepa tampi cu Zalam cung ah an chuak an hau, cu lio ah ram dawtnak thinlung zong a ngei lomi, mah zawn lawng aa ruat mi cu Zung an kai peng rih.

Nihin Hakha mino dirhmun, zeitluk in dah zalennak an duh timi an hmuh ko nain mi cheukhat cu zung ah an thu rih. Pathian nih kan miphun caah kan mino rual hmang chin hna seh, zalennak kan hmuh tikah nihin ralkap minung, mah paw kong lawng a tuak mi cu an ningzak te lai.

Be the first to comment

Leave a Reply

Your email address will not be published.


*