Hakha Dawr Thar I A Um Mi Kan Lai Pa Tthawng,Pu Novel An Tlaih Nak Le Than Tlang CDM A Tuah Duh Rih Lo Mi 233 Konglam.

Hakha Dawr thar sang i a um mi le kan lai Patthawng Pu Novel cu Ralkap le Police nih a innka an bohpiak i an luh hnawh hnu ah,tlaih a tawng tiah theih asi. A fanu nih a chim nak ah cun, Police le ralkap an ra i, kan innka an rak boh i an rak lut,cu hnu ah cun zeibia hmanh chimh a um lem lo i, an kalpi cawlh ko tiah a chim ti si.

Nihin tiangah than tlang khuachung ahCDM a tuah rih lo mi minung 233 an um rih tiah thong kan theih,he kong he pehtlaih in, khuanu khuapa hna nih cun CDM tuah ding in an nawl cang hna tiah theih asi fawn.CRPH nih CDM tuah dingin a donghnak bik ni a khiah mi cu,march 31 ni hi a si i, cu caah CDM ah nan kan luh piak ko lai tiah an nawl hna.

Kawl ralkap uknak kan duh lo ruangah lam kan zawh lengah,CDM nan luh lo ah cun, ralkap thazaang nan pek hna tinak si ko. Ralkap cozah kal kho hlah seh ti nan duh siah cun CDM ah nan kan luh piak hau mi asi tin an nawl chih hna.nan kan luh piak lo siah cun, a herh ning in,dantat nan si ve cang lai tiah an ti cang hna tiah theih a si cang.

Credit : Thantlang RevolutionaryCampainer- TRC

Be the first to comment

Leave a Reply

Your email address will not be published.


*