Hakha Khuapi Ah Minung Um Cuah Mah Lio Mi In Pakhat Cu SAC Ralhrang Ralkap Nih Cun An Chuh Hna Tiah Min Langter Duh Lo Mi Pakhat Nih Cun A Chim.

Chin ramkulh Hakha khuapi bazar hlun sang ah a ummi U Cia Kio inn cu PDF CDF hna he pehtlaihnak a ngei tiah March 21 zanlei sml 3:00 hrawng ah SAC ralhrang ralkap nih cun U kio in cu an  chuh tiah theih a si. SAC Ralkap nih cun U Kio in hi an chuhhlan ah innchung thilri vialte cu an laak ter hmasa tiah theih a si.

Mah  lawng hmenh si rih lo in chin ramkulh paletwa peng I falam peng ah a um mi hluattaw palai a si mi in pa 2 hna zong cu. SAC ralkap nih cun an chuhchih tiah theih a si.

Cu lawng zong c loh in chin khualipi HAKHA Khuapi pakhat a si mi zongah Dr. Lian Hmung Sakhong in zong SAC Ralhrang hna nih cun an chuhchih tiah  theih a si

Crd: Zalen

 

Zarhpi Ni pumh kar a lo. Dawr vialte ai khar dih. Inn zeimaw cu an kutka ai hung nain mi aw-aan a leng lo. Thli nih lamkam electric hri a run tuai hna ah thawng a rung zaam khi hlei lo, zei thawng hmanh pawngkam ah an leng lo. A caan ah kutka rial thawng tete. A him rih mi inn hna cu Mexico le US ramri ah Druglords le an miṭhi lalang hna nih an kaltak mi ramcar innlo tete bang; kuanfang vihnak le kutka vam ah spray kah mi rong pawl thlakawkbar in a king.

Thlantlang cu a min a hlam ko rua. Thlantlang a si ko cang. Aho nih run lumhsat len awk huam ti lo ding khin a um. Zei hen kan sual Zingnu, vansangau in kan hram riangmang fah hi ti kha kahtaza lamcung ka kebut thawng lakah lungchung in ka sa. Kan ṭuan lai, kan ṭuan lai kan ram le kan miphun ca ah tikhin hlabia thlen in ka peh. Dungdang ah meithal a puak! A zuam caan ah a bo mi uihrut bang; sual erlet pawl cu an sual a puang ṭheo. Ka tli lo. Kai neek cang.

Cutin nikhat liam aa zal. Ni le Vuichip dongkhat aa naih ahkhin ralveng kan ralkap pawl hnuchit in tlun kan i thawh. Tlun lai ah bia kan i ronh. Him tein tivial. Kan mirh nain a hel ṭhan. An siangbei thal ka zoh ah ka lung a ṭhawng. Hi pei maw Lal Luai tuu le hna ka ti.

Lengkawite