Hakha Mino Hna Nih Salai Lung Thli Tum Ralrin An Pek Nak A Ruang Cu?

Hakha mino nih Salai Lungthli Tum ralrin an pek.Chin mino nih kan bochan mi le Chin miphun caah a ti khawh tawk in rian a tuanmi Salai Lungthli Tum cu Hakha mino nih ralrinnak an pek. A tang lei bantuk in an tial.

Hakha mino hna i tthithruainak ah lungawttawm in umter le hnahnawhpek aa tim mi Salai Lungthli Tum, Hakha mino nih ralrin kan in pek!Ralrin an pek nak a ruang cu?…

Tuni thok in Hakha mipi nih dohthlatnak kan tuahnak ah mipi an lung i tthen seh an lung i awttawm seh tiah na hmurka le na catar nak in na langhter rih ahcun na rianttuan, na umkalnak le na nun himnak tiang an hnorsuan khawh timi kha rak i thei. Ralrin kan pek ti si.

Credit: Hakha campaign for justice ( FB )

Kum 2020 November 8 thimnak zong ah Independent in MP ai cuh mi Salai Lungthli Tum a si. CNF caah siseh, Chin mino thanchonak caah a siseh tampi rian a tuanmi a si.Hi bantuk in Hakha mino nih ralrin an pekmi hi thinlung a tha lo ngai. A mah hi ram le mphun a daw lomi cu a si bal lai lo.

Ram le miphun a dawmi a si. A umnak Yangon khuapi zong ah nifatin meithal kuanfang lak ah ralkap uknak duh lonak lam a zawh zungzalmi a si.Hakha mino nih tu bantuk in ralrin an peknak a ruang bik hi zumh ning ah khan nizan March 19,2021 ni ah khan Hakha mipi vialte ho hmanh i chok lo ding le dawr khar dih ding timi sandah piah hruaitu hna nih oder an chuah.

Cu oder an chuah mi cu Salai Lungthli Tum nih a tang lei bantuk in a hmuh ning le ruah ning a rak tial mi a um. Hruaitu nih dawr khan le mipi ho hmanh i chok lo ding in nan timi hi thatnak a um lo. An mah ralkap tu an i nuam lai. Ralkap nih zan lengchuah curfew an tuah hmanh zeiti awk tha lo. Chun ah mipi nih curfew nan tuah awk a si lo, tiah a rak tial.

Chin mipi careltu nih zeitindah nan ruah cio. Salai Lungthli Tum hi ralkap a tanh cu a si lo timi hi a fiang mi a si. A mah belte a hmuh ning le a ruah ning kha raltha tein a chim a rel ngammi pa a si ve.zeipoh a si zawngah ralrin nan pek ko cang i, duhsah tein zoh pah rih ko ulaw.palh sual phung zawng cu a umkho men mi asi caah,amah holhka zawng hngak pah rih ulaw ttha hnga lo maw ti hi, keimah ruahnak cu asi ve.

Be the first to comment

Leave a Reply

Your email address will not be published.