Hakha Mipi Hna I Ralring U Law,Khua Thar Ah Ralkap An Vak Thluah Mah Ko ,a Kal Mi Poh Poh An Cek Hna An Ti Cang Hi.

BOC Hakha khuathar laansungah Uico pawl an i chawk i mikip an check len hna tiah Hakha Campaign For Justice nih thawng a thanh caah Hakha mipi vialte rilring tein rak um kal ulaw tiah himnak caah kan in nawl hna.

A si khawh le bang ahcun leng hrim rak chuak hlah ulaw a ttha ngaingai hnga. Uico pawl an hran chin lengmang caah a kenkip in kan rak i ralrin cio a herh ngaingai. Tlaihmi le hliamhma tuar mi hna kan um sual lai, leng ahcun rak chuak duh hlah uh. The Chin Light zong nih ti hin an rak langhter “Ralrin Peknak Tuzanlei 6:30 hrawng ah Hakhathar lei ah Meithal puah thawng theih a si.

Hakha Khuathar BOC kamh ah zanlei Suimilam 5:00 hrawng ah Cycle le Motor zong Ralkap Ralhrang nih Checknak an tuah. Motor Cycle le Phone tiang in an check hna.” Ti hin Hakha Campaign For Justice nih an tarlangh mi cu a si ve “Boc Hakha khuathar lansung ah Uico pawl tampi an um le ai chawk mi an check len hna. Um kal rak i ralring cio hna u sih.”

A Dang Reltthan: CDF-Hakha Nih Chuncung Mipi Sinah Nawlnak An Tuah Pinah Ralrinnak An Pek Colh Hna CDF-Hakha/Operations/1/2021 A Konglam : Chuncung Khuapawng kahdohnak Kongah Nawlpatnak le Theihternak. CDF-Hakha le Ralhrang Kawl Ralkap cu Chinram Falam le Hakha kar Chuncung Khua pawng ah May 16, 2021 zanlei 5:30pm—8:00pmtluk kahdohnak kan tuah. Cu Chunchung pawng kahdohnak cu humhim ralrinnak ruangah Khuami, Mino bu le Khua nupa hna sin theihter hmasa lo in kan cawlcanghnak cungah nan kan ngaithiam I na kan theihthiamnak lai kan in nawl hna.

Ralhrang a simi Ralkap cu Mizapi nih kan doh lio cuahmah ah mah pumpak zawnruahnak le miaknak lawng tuak in CDF_Hakha kan cawlcanghnak vialte Ralkap sin ah a phuangmi inntek Chuncungmi nan um sual a si ahcun fakpi in dantatnak kan tuah lai tiah in theihter hna.

Miphun le ram luatnak ding le damnak ding ah kan zapi rian kan ngei cio ti ruat bu in, Chinland Defense Force_Hakha. Credit: Chinland Defence Force

Be the first to comment

Leave a Reply

Your email address will not be published.


*