Hakha Sizung Pi Cu Mino Le Ralhrang Pawl A Ni Cuh Lio Si.

Kan theih cia bangin nihin ah Hakha Sizungpi cu ralkap nih,a chung rian ttuan tu hna cu,CDM nan tuah lai maw? nan tuah hnga ding siah cun nihin zan lei suimilam 3:00pm hlan ah chuah dih uh law, kanmah nih sizunglei a hrerh mi pohpoh cu kan ttuan dih ko lai an ti caah ,Sizung uktu bawi nih cun kan chuah dih ko lai a ti hna i an chuak dih tiah theih asi.

He kong he peh tlaih in mino hna nih cun,ni hin zanlei ah khan an lungtling lo i, sizungchung um mi ralkap le police minung 40 hrawng cu lenglei in innka an hrenh khum hna tiah theih asi.Ralkap nih March 12, chun 12:00 hrawng ah Hakha Sii-inn cu an luhhnawh i zaanlei 6:00 tluk ah Hakha mino nih Sii-inn Innka an hrenh hi asi.zeitik tiang dah an hrenh lai i, ralkap nih zeitik tiang dah sizungchungah an um lai ti zawng theihkhawh si ti lo.

Ralkap nih cun Sizung i,rian ttuan mi CDM a tuah mi hna cu ani tthialter hna i, mizaw zohkhenh lio mi hna zawng ani tthial ter dih hna.sizung i rian ttuan mi hna hi,minung 315 an si i, inn 115 hrawng an si tiah theih asi fawn.Hi a tthial mi hna hi, mino hna nih cun, an thilri tthial le a dangdang hna cu an bawmh len ve hna.

Sii-inn quarter in tthialter mi hna an i thial dih hnu, zaanlei 6:00 tluk ah hi bantuk in Hakha mino nih Hakha Sii-inn kutka tawh an hrenh ve i, Hakha Sii-inn ah hmun a khuar mi Ralkap hi minung 40 tluk an si lai, tiah ruah a si,Ralkap nih hin zeitik indah mizaw an zoh khenh hna lai ti cu theih khawh si rih lo i, a tu an umtu ning zoh ah hin, ralkap nih mizo a zohkhenh tu ding sibawi le nurse hna zawng an ngeih hi zumh um lo tuk mi asi tiah mipi lei nih cun an chim ve.

Credit : DVC.

Be the first to comment

Leave a Reply

Your email address will not be published.


*