Hi Ca Zoh Mipoh Nih Cun, Zangfah Nak In,Rak Ka Share Piak Ve,Chin Ramkulh Chungum Hriamtlaitu Hna Karlak I Lung I Khah Lonak I Theihthiam Lonak Kongah Nan Ruahnak Le Hmuh Ning Biahalnak.

Hi capar cu kum 2021 SAC ralhrang ralkap nih nawlngeihnak an laak hnu thawkin Chin ramkulh chungah a tharin dirh a simi hriamtlaitu ciocio karlak ah i hmuhthiamlonak le i theihthiam lonak kongah mipi duhnak le hmuh ning hi rak thei cio dingin tialmi capar a si.

Pumpak konglam hna cu langhter, phorzar loin a buaktlak deuh simi konglam hna lawng mizapi theih ding le hmuh dingin tial ding,chim ding a si lai.

A tanglei biahalnak hi nangmah pumpak nih rel hmasa law rak kan let tuah! Chin ramkulh caah na saduhthahmi le hmuitimhmi cu zalong tein rak tial in, mizapi hmuh awkah langhter dingin upatnak he kan in sawm hna.

kum 2022 April 1-30 tiang hi biahalnak hi a nung lai. Biahalnak tuahtu hna cu,Dr. Dawt Nei Iang,Salai Dokhar.

Thawng dang Tlangval Pakhat Cu, Sachna Nih Phone He Phaisa He Thildang Zong An Cuh, Ralhrang Hna Sual Ning Hi Cu Aw, Apoi Ti Pinhin Cun, Chim Ding Um Lo Khi Si Ko.

Chin ramkulh, Tidim peng Khaikam gate ah a ummi SAC ralhrang ralkap hna nih Lai tlang in Kalaymyo ah thil cawk dingin a rami mipa pakhat cu a phaisa sing (30) le motorcycle an chuhsak pinah zaan sml 12:00 tiang sakhan ah an hrenh tiah theih a si.

April (1) chun hrawngah Tidim in Kalay ah dawr thil zuarmi cawk dingin a kalmi mipa pakhat cu Khaikam gate ah humhimnak latu SAC ralhrang ralkap hna nih motorcycle dirter in an check.

Thil cawknak ah a phorhmi phaisa sing (30), a motorcycle, angki leng, kedanh hna cu SAC ralhrang ralkap rual nih an chuhsak.

Cupinah mipa cu zaan sml 12:00 tiang an hrenh hnuah a taksa lawngpi bakin an thlah than.

Min langhter a duhlotu pakhat nih “Amah cu zaan tlai hnu bakah an thlah tikah a ke bakin riahnak inn a kawl nain ahohmanh nih innka an hongpiak ngam lo. Curuangah lamkam bakah zaan khuadei a it. A thilri zong pakhat hmanh an pe lo. Amah cu zeibantuk hriamtlai phu he hmanh aa pehtlai lomi a si” tiah a chim.