Hi Hna Pafarual Kong Lam Theih Cu Ngaih Chia Kho e,

A nupi nih padang a duhtak diam i an pafa telawng in Aizawl ah mi inntang hlang in thlakhat ah Rs.500 man te an hlang i khua an sa ve . An innchung an dirhmun le an khuasak ning cu hi video ah hin kan rak langhter i zangfak taktak an si.An pa nih hin rian a um mi poah a rian i ai hlawh ve, cukar ah cun an unau telawng in inn an rak hngak tawn.

Midang zangfaknak te an kut an rak samh ve i india phaisa Rs.10000 te cu mibawmtu phu nih na va pek ve hna. Hibantuk dirhmun hi mi zei kan si hmanh ah kan tong lailo tiah chim khawh a si lo.Kanmah chan ah kan tonlo zongah kan fale chan le kan tule chan zong ah ton khawh ciomi a si. Cucaah hi hna pafa rual cungah zangfahnak le dawtnak thinlung te he kut rak samh cio dingin kan in sawm hna.

A nupi nih padang a duhtak diam i an pafa telawng in Aizawl ah mi inntang hlang in thlakhat ah Rs.500 man te an hlang i khua an sa ve . An innchung an dirhmun le an khuasak ning cu hi video ah hin kan rak langhter i zangfak taktak an si.An pa nih hin rian a um mi poah a rian i ai hlawh ve, cukar ah cun an unau telawng in inn an rak hngak tawn.

Midang zangfaknak te an kut an rak samh ve i india phaisa Rs.10000 te cu mibawmtu phu nih na va pek ve hna. Hibantuk dirhmun hi mi zei kan si hmanh ah kan tong lailo tiah chim khawh a si lo.Kanmah chan ah kan tonlo zongah kan fale chan le kan tule chan zong ah ton khawh ciomi a si. Cucaah hi hna pafa rual cungah zangfahnak le dawtnak thinlung te he kut rak samh cio dingin kan in sawm hna.

Relchap,Ralhrang tanh tu SHwe Yu Par Oo nih zohdawh lo hmanthlak ruang ah ngaihthiam halnak a tua.MRTV in an thanh.SHwe Yu Par Oo cu ralhrang nih uknak an lak hnu ah mipi nih theih mi a si. A ruang cu kawl ralkap lei ah thazaang peknak le an thatnak tampi a chim tu a si caah a si.

Mipi lei nih a ke cu vui/sai ke ti tiang in an soi sel mi a si. Ralhrang tanh tu nu (Baw mah) tiin auh mi a si.SHwe Yupar Oo nih athlak pi mi ralkap poh an nung in an kir bal lo caah amah hmanthlak thlak ti ti lo ding le ralkap umnak ah lut lo ding in an kham ti tiang in a chuak mi a si.

AN i thlak mi photo zong mipi sinah langh ter lo ding tiin an rak langh ter.Ralbawi pa he ruah lo piin an i thlak mi hmanthlak cu social media ah an pholangh caah ngaihthiam halnak le mipi sinah tlerhkhonhnak a tuah. Ka hmanthlak le video pawl keimah nawl pek loin a tar langh mi nan um cun,upadi ning in dantatnak tuah a si lai.

culawng siloin a hlan photo, a dih cang mi thil a thar in nan tar langh mi cung ah a cang sual mi thil cung ah ka ngaithiam uh tiin a langh ter .Ka cung i a hmaan lomi thil nan thanh mi le nan tar mi a um ahcun dantat nan si lai tiin MRTV in ralrinnak a pek hna.

relchap, Mizoram, Champhai distrct Mualkawi khua mi Pa pahnih hna cu an ram chuah naak ah vom nih a rak seh hna i faak ngai ngai in a hliam hna tiah thawng theih a si. Hi bantuk in Mualkawi khua mi nih vanchiatnaak an ton mi kongah Mawlkawi khua VCP Pu Saitea nih cun hi tihin social media ah report a pek ning cu a si.

Lalpanliana kum 56 mi le Lalrinthanga kum 57 pahnih hna i lo ram ah an kal i thlaici zeimaw zeimaw an tuh i chuun hlaan ah an dih caah inn lei ah an rak tlung i cu ti an rak tlun cuahmah lio ahcun a seh tu hna vom pi hi lamthlang lei hin a rak kai ve lio celngel a si i, a si nain a hmai u ah a kal mi Pu Lalpanliana nih cun vom pi cu a chawh kanh deuh caah a hnu ah a raa mi Pu Lalrinthanga tu hi Vompi nih cun a rak zuan hnawh colh i a ttawk ah a seh colh.

Hmai ah a kal mi lanpanliana nih hin a vun zuan hnawh an vun chanh colh ve i a naamte in vom pi cu a ka ah a ah a thler i vompi zong cu a thi a chuak ngai ve, a si nain vompi nih cun Pu lalpanliana zong cu naamte a ken naak a kut he a kut pahnih in a hun seh ve tthan i, an pahnih in vom nih cun a tak sa hmun kip ah heh tiah a boh hnawh hna i a seh hna.

An hmai le an phei an ttawk hi faak ngai in a seh hna pin ah an kut zung hi an pahnih in a seh/khiah piak ve ve fawn hna. Cu ti cun Pu Lalpanliana le Lalrinthanga cu an si khawh chungin vompi lak cun luak hraam dingin an ttang ve an i veng ve i hnu deuh ahcun zei tin zei tin dek vom pi nih cun a kal taak ve tthaan hna.

Vompi nih a kal tak hna le caangka in an phone an chuah zawk zawk i khua lei ah thawng an rak kan thanh colh ve i a rian ran naak in motor in kan va don hna i an mah pahnih zong cu a tha um ek cuah in inn lei ahcun bok vaak in an rak vaak ve i motor cun champhai sizung ah an tliik pi colh hna. An pahnih hin an hliamhma hi a faak ngai i an muisam hi fiang tein hmuh khawh zong an si lo, cu tluk cun vom nih hin a rak seh hna hi a si.

An taksa cheukhat hna cu zoh awk tlaak lo le tthut piak awk zawng a ttha lo tiangin vom nih hin a seh hna i, Lalrinthanga hi a hnaar hi a thler viar i a si nain hi hi tthiit piak khawh a si ko lai tiah doctors nih cun an chim. Hi ti bantuk in kan khua mi minung pahnih faak tuk in a sehtu hna vom pi hi a lianh lei hi sum 6 renglo lian a si lai tiah hliam tuartu hna nih hin an chim.Nikum hrawng zawngah khan a thawngpang hi rak theih pah lengmang a si i Lo chung hna ah a rak luut i kan thlaihnah pawl Kawm ti bantuk zong a rak kan ei piak tawntu a si.

Nunau pawl le bang cu an mah lawng hmanh lo ah an rak kal ngam lo i an rak tli zaam lengmang tawn. Pu lanpanliana kum 56 le lalrinthanga kum 57 hna hi an hliamhma a faak ko nain an daam tthaan colh ko lai a tu hi cu an hma an vun fah lio pi a si caah an ka an aang ngam lo i cu caah an holh khawhlo naak hi a si tiah an mah thlopbul tu hna nihcun an chim.