Hi Hriamnam Hna Hi, A Ma La Camp,Alobun Tlang Ah Chiah Ding Si I, Ralkap Pawl Kah Nak Ding Ah KIA Nih An Ti Mi Si.

Kan hawi tlang cung mi hna hi cu, mah ti hin an si ko cang. zeimaw caan ah cun, hngal an um tuk tawn ko e.A tu i kan hmuh mi,hriamnam ttha ttha hna hi,KIA ta an si i, an cawk nak le an lak nak cu,kan thei lo nain, kawl ralkap kah nak ah, an hriamnam a tthat lo ah cun, an hruaitu hna nih a rannak in,a ttha mi le kawl ralkap nih an ngeih lo mi hna cu an cawk tawn.

Tlang cung hriamtlai phun hna lak ah hin,KIA hna hi kan ni bochan bik mi hna an si.a dang Shan te hna cu,kanmah laimi bantuk in, phu tamtuk ah an ni tthen dih tik ah, an tthawng kho ti lo.A si nain,kanmah laimi nak cun an ttha deuh ko lai dah.

Hi hriamnam hna hi, a phurh nak le a kennak a harsa tuk nain, KIA Camp cu him tein a phan kho cang tiah,KIA lei thong thanh tu nih cun nizan ah khan a chim.Kawl ram lei internet hi a tthat lo tawn caah zeipoh hi a caan teah kan thei kho bal lo i, a poi ngai ngai.

An hriamnam a phan thar mi hna hi, kawl ram ralkap hna nih cun, an ngei ve lo tiah an chim i.Ma la camp hi a poi mawh tuk mi asi caah, ralkap le KIA zawng nih fakpi in an ni cuh nak a si i, a tuah cun KIA kut ah a um cang tiah theih a si.Cun an hriamnam hi a langh dih kho lo caah tar lo mi tampi a um.

Credit : Kachin Journalist

Be the first to comment

Leave a Reply

Your email address will not be published.


*