Hitluk Atha Mi Thingkung Hi Chungkhar kip nih Cin Cio Ding Hrim asi AFaawi bik I Atha Bik Mi ASi

Africa ram ah cun Tree of Life nunnak thingkung tiah an auh ni nitlak lei ram ah cun khuaruah har thingkung Miracle thing kung tiah an ti. Africa thlang lei ah Limpopo timi state I Tooseng timi khua pakhat aum Africa ram cu ruahti atlawm caah eidin tirawl ahar, cu tikah hngakchia caah vitamin an chamnau i tar le hngakchia, naupawi lio hna caah zawt tikah inkhawh nak thazaang an ngei lo nu naupawi nih fahrin an I harh tikah harnak an tong tuk ti si.

Kum 2000 hlan ah khan cun Africa ah hin hi thingkung kong hi an thei tuk rih lo. Cu tikah Mathabatha timi nu nih cu hi thingkung athat nak kong cu atheih bal, nain ka ram ah atha kho lai loh tiah aruah asi nain hlathlai nak arak tuah deuh tikah ruahti atlawm nak zongah atha kho mi asi kha atheih than. Cu tikah 2005 ah kha kung thongkhat le zanga hrawng an cin ti si.An cin hmu thlakhat ah cu ahnah cu tawh an za i  acar in an chiah, adip in an rial i hngakchiah. Abik in an hman nak cu hngakchia rawl ah an hman i aderthawm ngai mi hna chia cu hi hnah an pek hna hnu cu mit hmuh kuttongh in atthang i ataksa atha.

Aruang cu hi thingkung I ahnah ah hin Vitamin C hi Lingmaw thei nakin let sarih in atam deuh, Cun Vitamin A hi Carrot nakin let li atam deuh, cun potassium dat hi banhla nak in let thum in atam deuh i calcium dat hi hnuk ah aatel nak in let li in atam deuh ve. Protein hi saa  nak in lethnih tamdeuh angei ti si.Cu tikah 2011 ah khan research (kherhhlainak) an tuah hna nak cabu pakhat an chuah. Mathabatha khua i minung hi tluk in an thancho mi hi zeidang ruangah asi lo (dandalun) hna an ei ruang ah hin asi,( Dandalun hna an rial i an ei mi ah hin minung takpum nih aherh mi dat(vitamin) vialte hi adilak tluk in aa tel ti ding asi.

Cu lawng cu si lo in Cancer zawt nak akhamh kho tu Antioxidant ti mi tampi aatel. Cu tikah amah lawng ei zong hin atha hnem tuk, cu tikah si caah atha an ti mi theihnah pawl nak in let tam pi in atha hnem deuh. Hi thingkung Cu amin ah mirang nih (moringa) an ti i kawl nih cun (Dandalwin) an ti. hi thingkung cu kan ram zongah atha kho mi thingkung asi i hi tluk in atha mi thingkung hi cing cio hna uhsi. Ahnah zong ei khawh asi I athei zong ei khawh asi.