Hngakchia Kum 11 Long A Si Rihmi Cu Apu Nih A Tleihhrem Pin Ah A Naupawi Mi Chung Ah Thil Tihnung A Um Ruang Ah A Nunnak A Liam

Mah fa a si lo mi mahtu le cung tiangtiang i hi bantuk thinlung an van neih ko mi hna hi cu, lungthin a fak in thin a hang bak ko teh. Thailand ram a Sahatsakhan district of Kalasin province ah nu hngakchia kum 11 telong i upa mi cu a pu (a pa hringtu pa) nij a tleihhrem ruang aj a nunnak tiang a dih tiah thawngtheih a si.

China Press nih an langhter ning in hi hngakchia hi a pu nih, November 2020 ah khan a rak tleihhrem cang, hiruang ah hin nau a rak pawi i, a mah ah hin thil hmanlo mi a um, ectopic pregnancy an timi cu a rak tuar, a ruang cu a kum a hngakchiat tuk rih ruang ah a si. Hihi nu caah thil tihnung tiang a phanh ter khotu a si.

Mah nu i a hringtu a nu nih cun a fanu hi November ah khan a dam loh i a serh ah hin damlo nak pakhat a nei tiah a chim. Sizung ah an va kaltik ah cun a serh ah hliamhma fakngai a rak um. Doctor nih hngakchia nih hin ectopic pregnancy a tuar tiah an chim.

A fanu cung i thil a cang mi a theih hnucun, palik sin ah a report colh i, sinain, 6 December 2020 tiang kha cu case ah hin hmasawn nak a um kho loh.

Hi hngakchia hi ectopic pregnancy ruang ah hin,rawl le si a ei zong ah a luak a chuak peng i, Doctor nih haemagogue a chunh zong ah zeihmanh santleih nak a nei loh. A dirhmun hi a zualhma deuhdeuh i, 15 January 2021 khan a thi tiah thawngtheih a si.

A ruak hi Khon Kaen a Srinagrind Hospital ah check i medical examination tuah ding in lak a si i a thaizinngJanuary 16 ah an um nak in ah ruakvui nak can an hmang.

A nu le a pa hi kum 5 liamcang mi ah khan, an i then cang i a nu nih cun a fanu hi Sianginn zong kai loin, a pu le in lei ah lentecwlh ding in a kal tawn tiah a ti. A fanu cung i hibantuk thil a can mi hi a zum kho bak loh.

Be the first to comment

Leave a Reply

Your email address will not be published.


*