Hrang Ṭhio A Ruh Cu A Chungkhar Nih An Ṭhial nak kong lam a ruang

Innsein kahdohnak ah No. 1,Chin Battalion Commander a uktu Lieutenant Colonel Hrang Ṭhio a ruh cu, nihin May 21 ah Falam Khua Zalai sang ah a chungkhar nih an ṭhial. An vuinak thlan cu a rawh dih cang caah a ruh an ṭhialnak a si, tiah theih a si.

Lieutenant Colonel Hrang Ṭhio cu 1949 August 8 ah Innsein kahdohnak a tei in Hmawbi peng lei tiang Karen ral a rak tuk. Hmawbi peng Hlapada an camp pawng ah Karen ralkap nih a tanpawr ah an kah i Yangon, Mingladone ralkap sii-inn ah an chiah nain a dam khawh lo caah a nunnak a rak liam.

Prime Minister U Nu nih le Cozah upa hna nih cozah thlanmual ah vui an timh ko nain, a chungkhar nih an rak duh lo caah Yangon in Kalaymyo tiang Vanlawng in a ruak cu an phurh i, amah chuahkhehnak Laizo ah an rak vui.

Lieutenant Colonel Hrang Ṭhio cu Chin ralkap paral ṭha le ral tei pengmi a si. A ruak cu Ne Win hmanh nih upatnak a rak pekmi(Salute) a si.Crd: The chin post

Thawng dang, Kan mipi tampi an thi an tuar, cang i Min Aung Hlaing tangah rian tuan mi Kachin mipi hna i ralring cang uh. Ralkap tangah rian a tuan mi vialte hna, nan rian nan chuahtak lo a si ahcun kan i timh ning bantuk in kan cawlcang cang lai.

Ralkap tangah zeibantuk rian poh a tuan mi cu June ni 30 hlan ah nan i ngol rih lai. Nan i ngol lo a si ahcun Kachin ram hi chuahtak uh, nan chuahtak lo a si ahcun anmah caah ttih a nung cang lai. Zei bantuk harsatnak nan ton zongah nan kong ah tuan vo kan la lai lo tiah an thanh.

SAC ralhrang nih an thanh ve mi cu an kuttang ah riantuan mi vialte hi kan in veng kho hna lai lo, Nan mah tein nan himnak cu tha tein i run veng uh, nan caah himnak kan in tyuah piak kho hna lai lo. Nanmah tein tha tein nan i veng a hau lai tiah an thanh ve.

A tutan ah KIA nih an thanh mi hi a donghnak bik Min Aung Hlaing tangah riantuan ti hlah uh ti khi a si ko. Nan tuan peng ko a si ahcun kan bia bang in kan in thah cang hna lai i nang kong hi ceih loin kan um lai ti khi a si ko.Security nanmah tein nan i kawl tiah ralhrang nih an ti fawn hna tikah an mipi cizah riantuan pawl cu an lo bak cang.