I Ruat Cikcek Cio Hna Usih, Ningzak Zong Asi.

Hram kan domh kaa ah cun CDM tuah a fial tu hna le CDM tuah lo mi a thang chiat tu, a rak soisel tu kan rak si nain kan dohthlennak kum khat a vun rauh ah cun kan mah tu ni fatin thah cawk lo in zung kan kal lengmang ko mi hi CDMer a tuah mi kan u kan nau, kan nu kan pa le le pawcawmnak an zungrian a kal tak mi kan hawikom dawt hna hi zei tin dah an hmai kan khah hna.

Dohthlennak hi Pumpak ca a si lo….kan zapi ca a si an i dawhnak le an sunlawihmi an thuam (uniform) le an pawcawmnak vial te kal tak in CDM tuah ding in kan rak ti hna i Upat awktlak lungput he an rian an chuah tak ve bantuk in kan nih zapi zong nih ralhrang nih onmi ZUNG hi kan kal awk a si hrim hrim lo. A tu tiang zung na kal tawn ah khin nai phuhrung lo maw? Hawidawt nu le pa u le nau hna, Kan lung fim caan a za cang dah kaw.Myanmar Thantar Tuanbia; 1974 january 3 in 2010 oktober 21 (03.01.1974 – 21.10.2010) ni tiang. Myanmar thantar țhing cu kil li ngei in rak ser a si i, a kap hnih in a senmi a si. Cakeh lei a cunglei kil te ah kil li ngei a dummi muici, rong (Colur) in tuah chih a si. Myanmar thantar cu asen, araang le adum in muici phun thum komh in sermi a si.

Kil li ngei a dummi i a lai ah a raangmi seh haa (Gear) a um. Cu nih a sawh duhmi cu rianțuantu vialte kha a sawh duhmi a si. Seh haa, gear chungah a ummi facang nih lothlomi hna kha a sawh duhmi a si. Seh haa le facang a kulhtu arfi nih a sawh duhmi cu Myanmar ram i uknak lei le i țhithruainak leiah ramkulh le ramțhen (14) kan um tinak a si. A senmi muici nih ralțhatnak kha a sawh duhmi a si i, a dummi nih daihnak le rualremnak kha a sawh duhmi a si. A raangmi nih thianhlimnak kha a sawh duh i a langhtermi a si.Hlan lio (1948 – 1974) tiangah rak hmanmi thantar he kan epchunh a si ahcun an hmet lianh, an bit kauh le an tawi sau ai tia ko. An pahnih in kap hnih a bit kauh cu 5:9 (Proportion 5:9) veve a si.  Myanmar Thantar Thlen Siseh Tiah Biatung Rak Dirhnak; 2006 kum ah Myanmar thantar cu a thar in thlen si cang seh tiah ruahnak (Idea) thar an rak chuahpi. Cu an chuahpimi cu a hringmi, a senmi le a engmi tiin muici phun thum tiin ser siseh law a hringmi i kehlei kam ah arfi a raangmi tuah siseh an rak ti. Asinain an duh lo i an rak hnon țhan.

Asinain 2007 kum ah phun dangin ruahnak (Idea) pakhat an chuah țhan i, a hringmi, a engmi le a senmi muici i an laimicir ah arfi raang nganpi pakhat asilole a hringmi awtaw cuanter dingin tuah siseh tiah an rak chuahpi țhan. Cu a hringmi awtaw a cuangmi thantar cu 1943 Koloni Japan chan lio ah Myanmar thantar ah an rak hman balmi thantar a si.Cu an chuahpimi, hlan lio an rak hmanmi awta cuang thantar canai ah arfi raang nganpi hi Myanmar ramkomh aiawhtu dingah tiin Myanmar thantar ah hman siseh an ti. I kum 2007 september thla ah thantar kong cu phunglam chungah fehter dingah an chiah i kum 2008 ah Myanmar thantar ah hman dingin fehternak an tuah. Cuticun 2010 oktober 21 (21.10.2010) ni thawk in Myanmar thantar thar cu nihin ni tiang thlen thai le hman thai a hung si.