Iran Nih Ukraine International Airline A Kah Nak I A Thi Mi, Minung 176 Kongkau Ah, Official Minung (10) A Hrem Hna Lai.

Nikum 2020 i Iran nih minung 176 cit mi,International Airline an kahnak kha kan theih cio rih lai dah.Kha konglam ah khan,Iranian militrary prosecutor Ghoam Abbas Torki nih cun, kha lio thil a cang mi konglam ah,ttuan vo ngeitu minung (10), Iranian Officials hna cungah hrem nak pek asi lai tiah a puan cang.

January 2020 lio ah khan Flight PS752 vanlawng cu, Islamic Revolutionary Guard Corps ((IRGC) air battery in Missile in an kah i,a vanlawng cu a rawh dih lengah,minung 176 nih nun nak an hloh ti si kha.kha thil kha Iran nih a philh kho lo i, Tuesday ah khan Iran cozah nih cun, cekhlat nak a tuah cang i, Iranian minung (10) hna cu taza an cuai hna lengah hremnak pek an si lai tiah thong thanh nak a tuah cang.

Hi vanlawng a rak tlak lio ah khan,Iran nih cun, a rak i pheh i, ka kap lo tiin a rak chim. sihmanhsehlaw US,UK lei hna nih cun, kha vanlawng kha,amah in a tla mi silo i, Missile in kah mi asi tiah an rak ti caah, cekhlat nak an rak tuah tthan tikah cun, Iran nih cun, ai pheh kho tilo i, kakah sual mi asi tiah a rak chim tthan.

KHa hnu caan tlawmpal teah cun, a thi mi chungkhar hna nih cun, an lungtlin lo nak cu, Iran Cozah le Europe ram lei hna nih cun an vun chim thluahmah tthan tikah cun, Iran nih a tuah ding mithil cua tuah hau ve cang mi cu asi. A thi mi hna chungkhar nih complaned an tuah ning in Iran Cozah nih a pek hna siah cun, minung 176 luman cu a tlawm kho hrimhrim lai lo tiah an chim mi cu asi.

Credit : Iranian Military. com

Be the first to comment

Leave a Reply

Your email address will not be published.


*