Iran Nih US President Donald Trump Ralrinnak A PeK Mi Cu Tih A Nung Tuk E A Poi Kho Taktak

Iran president Hassan Rouhani nih cun US president a tuan cuahmah mi Donald Trump cu mipi vantlang theih in ralrinnak a pek i “Saupi na nung ti lai loh ding” tiah a ti. Mah cucu Iran nih an ralbawi thih cam an hmanni ah a phuanmi a si i Trump that dingin Iran mipi cu bia a kamh hna.

Nikum January 3 , US ralkap pawl nih cun suamhmang pawl a bawm zungzal tu Iran ralbawi Soleimani cu rocket in an rak kah i a thi. A hnuah US president Donald Trump i bia a rak pek mi a si tiah theihfian nak an nei i, Trump zong nih suamhmang le tapung pawl bawm zungzal tu Iran ralbawi an thah khawh mi cu vawlei cung mipi caah raldeih nak pakhat a si ruang ah lomhnak bia a chim.

Hi bantuk ruangah Iran president thok in Iran mipi cu US le Trump cung ah an lung a awi lo tuk i, Trump nunnak lak dingin an rak au pi. Can saupi chung Iran mipi cu Trump hmanthlak le an ralbawi hmanthlak i kenpah in lamzawh nak le sandah piah nak an rak nei i an ram hruaitu pawl cu President Donald Trump that ve dingah an nor tuk hna.

An ralbawi thih cam an hman ni ah Iran president Rouhani nih cun “Tuanbia i ngeihchiat nak le zatlak nak thil a phanh tertu Trump cu can rau lo te hnu ah a lo tlau lai. Culawng siloin anih cu tuanbia chia hnawmbawm ah a kal lai . Cu bantuk thil a phanh ding mi kong ah cun kan i lawm tuk i, Trump a um ti lo dingmi caan cu daihnak caan le caan tha deuh a si lai,” tiah a ti. ( Newsmax )Credit : Vapual Auaw

Be the first to comment

Leave a Reply

Your email address will not be published.


*