Iran Nih US Zei A Rel Lo Nak Langhter Dingah Ballistic( Lam Hla Kah Nak)Missile Le Rockets A Langhter Ve Cang.

US President Biden nih hin Iran he i hawikawmh nak hi a tuah kho rih lo caah, tuzarh chung zawngah khan Iran ralkap hna nih cun, US base cu,rockets pa 6 bak in a kah i, sihmanhsehlaw, a thi mi le a hliam mi cu an um lo tiah theih asi.Iran Miilitia hna nih cun, thla 2 chungah vawithum(3) akahnak hna si cang tiah theih asi.

Revolutionary Guards commander, Hossein Salami nih cun,TV ah Missile base thar a kal lio cu an langhter i,Salami nih cun Missile Base thar an ngeih mi cu, ran venhim nak caah bochan tlak le zumhtlak mi thil asi tiin a chim.Iran nih hin Middle East ah missile programme ngan bik mi ka ngei tiin a chim tawn i, sihmanhsehlaw Israel nih cun zei bia hmanh a chim bal.

Hi bantuk in General pakhat nih a va zohnak hmun hi, a umnak hmun cu an chim duh lo tisi. Tehran nih hin Missile 1200 hrawng a ngei tiah an chim.US le Westernram hna nih cun,Iran nih Missile Programme a ngeih mi hi an duh hrimhrim lo ti si. Joe Biden nih cun,Iran Nuclear Deal kongkau ah Iran he i kawmh hi a duh tuk ko nain,ani kawm kho rih lo tiah theih asi fawn.

Iran nih hin,1980 lio i, Iran le Iraq ani donak khan,Iran nih hin,Ballistic missile hi a buaipi thluahmah cang i, 2011 ah khan cun, Strategic Strait of Hormuz pawng ah Missile Base ttha tuk mi ka ngei cang tiah a chim lengmang.

Credit : International News & Media

Be the first to comment

Leave a Reply

Your email address will not be published.


*