Japan I A Cam Lio Mi US Secretary Of State Anthony Blinken Nih Cun Kawl Ram Kong Cu Hi Ti Hin A Chim.

Kawl ralkap nih thimnak result thlen an duh caah sandahpiah pawl an hrem hna tiin Japan a tlawngmi Antony Blinken nih cun nihin ah media pawl hmaiah a chim.

US Secretary Antony Blinken le US ralkap lutlai bikmi Austin cu Japan an tlawng i; Japan Foreign Minister Motegi le ralkap lutlai Nobuo Kishi he hmaitonh biaruahnak an ngei. Myanmar he pehtlaiin US Secretary Antony Blinken nih US Cozah lungput a chim.

“Kawl ralkap nih 2020 thimnak result hi thlen a timh caah dai tein sandahpiahmi hi hramhram in a hrem hna i; a thah hna. An tuahmi hi cohlan awk tha lomi asi” tiah US Secretary Antony Blinken nih an biaruahnak ah a chim.Kawlram ralkap hna cu antuah mi anngwl lo siah cun,US le UN nih a zoh sawhsawh ti lai lo tiah a chimchap.

US Secretary Antony Blinken le US ralkap lutlai bikmi Austin cu S. Korea ah tlawng than ding ansi i,a tu lio kawlram ralhrang pawl konglam he pehtlaih in bia ruahnak zawng an ngei tthan lai tiah media nih cun an chim fawn.

Credit : VOA

Be the first to comment

Leave a Reply

Your email address will not be published.


*