Japan Le, Rasiaa Karah Buai A Van Chuah Ruang Ah Japan Nih A Ralkap Cu, Rasiaa He An I Ramri Ah Japan Nih A Ralkap Cu Hriam Namngan He A Kuat Cang Hna.

Japan he an i cuhmi Kuril tikulh ah ralkap 3000 tluk raltuknak training kan tuah tiah Russia s Eastern Military nih a thanh.Hi Kuril tikulh hi Russia le Japan nih an rak i cuhmi tikulh a si i raltuk trainning an tuahnak hi Russia humhimnak hmunhma chung ah a si i hi tikulh cung ahhin Russia nih ralkap lei he ai pehtlaimi building ngan pipi zong a sak cang hna.

Russia ralkap pawl cu Kuril tukulh cung ahcun Miakpi le Drone pawl hmang in tikulh cung ah ral an phanh lonak hnga kilvennak an cawng tiah March 25 ah Rissia s Eastern Military nih a langhter.

Russia nih Japan he Kuril tikulh an i cuhmi kong ah an i ceihkhannak an donghternak kong le Vawleicung ralpi pahnihnak World War 2 daihnak cahren cu kan dihter cang tiah kan hnu cawn nikhat ni ahkhan a thanh i a tu hi Japan he an i cuhmi tikulh cung ah raltuk cawnnak a tuah hi asi.

Lung um bia relchap

Na thinlung damtertu ding le na lungretheihnak bawmtu ding in midang na kawl tawn hna maw Na thinhunnak damter tu ding le na lungfahnak damter tu ding ah midang na kawl tawn hna maw.

An dawtu ding le na cungah siaherhnak ngei in dirhmun sang ah an cawitu ding in midang na uhtanh tawn hna mawCu bantuk cu va kawl duh hlah! Na hmu lai lo. Cu thil vialte a tlinter tu cu na pawngkam mi hna si lo in, nangmah lila tu kha na si.

Na ngeih an chiattertu, lungfahnak le thinhunnak, midang uhttanhnak a chuahtertu lungput le ruahnak hrimhrim kha na thlen a hau …Cun nangmah le nangmah kha i daw law i bochan, mah le mah i bochannak nih midang uhttanhnak lungput a zorter i lungthin thawnnak a pek.

Nangmah ke cungah dirkhawh i zuam law.. bawmtu tanhtu, dirkamhtu le thapetu na ngeihlo ruangah na dirhmun in tlak i tim cia hlah.

Na dirhmun a thawnnak ding le a tlaknak ding cu midang cungah si lo in, nangmah cungah aa hngatmi a si. Cucaah nangmah caah nangmah dah ti lo a biapi bikmi an um hlei lo.