Ka Chin Ram Khuapi Myitkyina Le Mandalay Khua Karlak Tlanglawng Lam Cu Bomb In Hrawh Dih A Si.

KIA Khuapi Kachin ram Myitkyina khuapi le Mandalay khuapi kalnak tlanglawng lam cu, nizan ah khan Bomb in hrawh dih a si. Hi tlanglawng lam hi mipi khual tlawnnak le kawlram chak lei le thlang lei caah a pawimawh tuk mi lam asi i, mipi ei le din laknak ca zawngah an hmantuk mi lampi asi.

Hi konglam he pehtlaih in People media hna cu nawlngeitu hna nih bia halnak an tuah hna i, a tu-ah cun, kan nin chim kho rih hna lai lo i, tlamtling deuh in zanlei hrawngah kan nin chimkhawh te hna lai tiah an leh mi hna cu asi. a tu rih ah cun zeihmanh remhnak zawng a um rih lo i,zeitik dah an remhkhawh telai ti cu theih asi ti lo.

Mandalay khuapi le kachin ram Myitkyina khuapi zawng a tu rih ah cun kalkhawh asi rih fawn lo tiah theih asi. kawl ralkap lei nih cun kanmah kan silo tiah ca thanh cu an chuak ko cang nain hi ca thanh hi zumh umtuk lo mi thil pakhat asi ve.A ruang cu,ralkap hna nih hin hriamtlai tlangcung mi hna hi, mipi nih hua hna seh tiah an tuah khawh mi zawng asi ko tiah an chim.

Cun KIA lei zawng nih zeihmanh ca thanh cu an chuak ve rih lo,a zeipoh va si zawngah a tu lio kawlram buainak hi kan zoh tikah ramchung thil a chia mi le a rawk mi hna hi a tamtuk ko cang.inn ttha ttha le siizung tthattha hna zawng a kang dih cang mi sitikah,mipi nih cun Min Aung Hlaing Uico hna an si tthan ko lai tiah an zumh mi cu asi.

Credit People Media

Be the first to comment

Leave a Reply

Your email address will not be published.