Ka Fanu Sizung ah A Um Caah Tuah Kai Timh Lo Mi Ka Tuahsual Ruangah A Si A Ti

Myanmar ram ,Magwe ramthen Pakokku khuapi ah mipi nih Bike a firtu minung pakhat an tlaih i kut thlak in velh thluahmah an timh tik ah Bike a firtu pa nih cun ka vel rih hlah u a ti i hi ti hin a chim “Rak ka ngaithiam hram ko u ka fanu sizung ah a um ruang hithil hi ka tuahsual mi a si ee” tiah ngeihthiam a hal hna .Bike ngeitu nih hin a bike a firlio a hmuh caah ka bike a fir ee rak ka bawmtu tiah a au i mipi nih an rak tlaih khawh colh mi a si i kutthlak zongn an timh colhmi a si .

Mi thenkhat nih cun kut zong an thlak pah manh cang nain minung pakhat nih zei a si poah ah kut thlak rih hlah u a chimmi hi a hmanmi a si maw silo sizung lei phone hmasa u a ti i sizung lei cu an phone hna .Sizung lei an phone hna ah cun a fanu cu sizung ah a rak um mi a rak si taktak .Cutik ah mipi zong nih an zangfak than i kutthlak lo in an ngaihthiam i Bike ngeitu zong nih a ngeihthiam than i a fanu thlopnak caah ti in phaisa Ks.20000 tu a pek chap lehlam .

Covid-19 boruak ruang ah kawlram chung ah riantuan awk ngeilo le phaisa hmuhnak ngeilo in eiawk ngeilo le , damlo zong ah sizung umnak tiang a ngeilo mi minung tampi an um cang tiah theih a si i zawtnak zong akarh chin lengmang caah pawcawm nak caah lungre thei ngai in can ahmang mi kawlram chung ah mi tampi an um cang tiah theih a si fawn. Source : News Journal

Be the first to comment

Leave a Reply

Your email address will not be published.


*