Ka Fanu Thong An Thlak Fawn,Zei Tin Dah Ka Tuah Lai Tiah Ka Lung Re Theih Lio Ah,Ka Fapa Ruak Inn Chung Ah An Ral Luh Pi.Maw Pathian..

Nu le dawt nak hi a sunglawi tuk hringhran ko ee.Hi nu nih hin Kum saupi a rak cawm mi hna le a rak zoh khenh mi hna,a dawt tuk mi a fanu le a fapa nih cun, zeitluk in dah a lung an fahter lai ti cu,ruah kho zawng silo e.Nungak le tlangval an si cang i, a nu zohkhenh tu ding an si cang.

Sihmanhsehlaw, nihin ah an chungkhar ah zeidah cang.ruanh riangmang ah cun,thinlung a kuai dih ko e.a fanu cu sandah piak nak ah,Ralhrang le Police nih an tlaih i, thong an thlak ve.ka fanu zei tin dah ka tuah lai tiah khua a ruah lio lengmang ah cun,a fapa hngakchia bik pa cu,Uico ralhrang hna le Police nih meithal in an kah caah a nun nak a liam a liam ve.

Cu ti i inn chungah amah long tein a um lio ah cun,a fapa ruak cu a inn chung ah cun a rak phan diam.hringtu a nu ca i a fak lai ning cu ,ruah leng zawng ah, ruah khawh silo e.Hi bantuk harnak hi,kan chungkhar nih tawng ve u sihlaw,ti hi ka ruah tik ah ,ka ruat ngam lo e.Vawlei cungah vanchia bik chungkhar kan siko lai tiah ka ruah tawn .

Cu caah kawlram chung i, mipi nih ram le miphun caah an tuar nak vialte hi,bawipa nih a theih dih ko caah,nikhatkhat ah cun hloh tlin nak cu kan hmuh te ko lai ti hi, zumh cio ko u sih.

Be the first to comment

Leave a Reply

Your email address will not be published.


*