Kachin Kan U Nau Pa Ni Chin Mi Ruah Nak A Kan Cheuh Mi Cu Adik Tuk

Hi Kachin pa hi atu dothlen nak kong ah online in zafatin a au peng ve mi asi, ralhrang hna teinak ding le mipi thazaang ape lengmang tu pakhat asi ve, cun tlang cung mi pawl U nau kan si nak le ralhrang nih an kan namneh ning le kan doh tti aherh ning kong zafa chiar in a au pi ve.

Hi kachin kan unau pa nih hin chin mi ruah nak a kan cheuh mi cu meithal le kuan ser nak seh nan cawk ah atha ati mita phaisa tam pi cawk nak in KIA ah bomh hal uh law nan tuah ah attha ati a dik tak tak ruah a phu vaurawng ah Thantlang in Ko Latt zong nih a chim ruah awk taktak asi bia puitling taktak asi.Mipi tel lo in zeithil hmanh hlawh tlin khawh asi lo, cu caah a tu hi mipi lei ttan can asi, zei tluk thil arit mi zong kha kan dilak cun fawizang tein kan cawi khawh, kan thazaang aum lio ah hin tuan ko hna u sih, kawl phungthluk ah Na ruahnak akal nak kip ah napum akal kho lo an ti. Cu caah can tha can rem hngak ti hlah atu hi can than bik asi ko tiah arak chim bal.

Kawl Ralhrang Le KIA Karah Kahdoh Nak Fak Taktak In Achuak; November 4, 2021 Kachinram kulh Engian peng I Tanbawngyan khua pawng ah Kawl ralhrang hna le KIA karlak ah zanlei sml. 4hrawng in kahdohnak fak tatak in achuak tiah thawng theih asi. Chinram lei ah biatak tein ralhrang hna an thazaang an rak chap hnu in KIA hmun hna lei hi kahdohnak fakpi achuah thawngpang arak dai deuh ngai.A si nain lampi ah bomb puah le Nam (ambush) tuah tibantuk hi cu thawngpang aum pah lengmang. Ralhrang lei minung thazaang 170 hrawng asi mi hna cu KIA nih an kham hna I cu caah cun atu bantuk in kahdoh nak fah achuah hi asi.

Atu thawngpang tial cuahmah lo zong ah hin fak pi in an I kap cuahmah mi kaaphnih in athi mi le aahliam mi kong thawngpang cu theih khawh asi rih lo. Cun tu zing zong ah khan Winemo khua pawng ah ralhrang he ttangtti mi Pythutsit sakhan cu KIA le PDF nih an luh hnawh hna I an kah hna.Kachin ram lei lawng si lo in Shan ram thlang lei zongah Kahdoh nak fak ngai in achuak ve, can zeimawzat chung cu Chinram lei lawng ah I kah nak afak I atu November thawk cun kawlram chung hmun kaakip ah kahdoh nak thawng aleng cang. Ralhrang hna sungh nak ni anai cuahmah cang ko.

Be the first to comment

Leave a Reply

Your email address will not be published.