Kahdohnak Ah Kan Pasaltha Hna Thawng Pang Theih Cu Ngaih Chia Tuk Si E,

2022 , April 17 in 23 tiang zarhkhat chung SAC ralkap le Matupi, Mindat, Kanpetlet CDF hna karlak kahdohnak ah CDF ralkap 3 an nunnak a liam tiah theih a si.

Chin ramkulh, thlanglei Matupi peng chungah SAC ralkap nih hmunkip ah rallam an ser caah CDF Matupi le SAC ralkap karlak kahdohnak a fak i April 22 ah CDF Matupi ralkap 1 a nunak a liam, April 22 ah CDF Kanpetlet ralkap 1 a nunnak a liam i April 18 ah CDF Mindat ralkap 1 a nunnak a liam ve .

April 17 in 23 tiang zarhkhat chung kahdohnak ah SAC ralkap 19 an thi, SAC ralkap nih thazaang tampi an chap chin caah kahdohnak a fak chin kho dirhmun asi. Credit: The Chin Post.

Thawng pangdang, Magwe ramṭhen Gangaw peng in a rak kai mi SAC ralkap hna le Chin ramkulh tualchung hriamtlai phu karlak ah kahdohnak a chuak. Cu kahdohnak ah cun SAC ralkap 30 an thi i, hliam tuar zong an tam, tiah CNA sin in theih a si. April 23, zanlei suimilam 4:30 ah Lungcawi le Lamtuk khua kar ah kahdohnak a chuak i, kaphnih kar kahdohnak cu suimilam 1 tluk a rau, tiah an chim.

Ke in a ra mi SAC ralkap hna cu SAC ralkap nih hramhram nawlngeihnak a lak hnu in Chin ramkulh ah minung thazaang tampi he an rat voihnihnak a si, tiah CNA in chimphuannak nawlngeitu Salai Htet Ni nih Mizzima ah a chim. Cu kahdohnak ah cun CNA le CDF-Hakha phufonh an i bawm i, mizapi vengtu ralkap lei hliamtuar le a thi mi an um lo, tiah theih a si.

Tualchung hriamtlai phu hna le SAC ralkap kar caan tawi kahdohnak cu nitin ngawt in a chuak nain a ruang tampi ruangah thawngthanhnak kan tuah lo, tiah a chim. February thlachung ah minung thazaang 200 hrawng he Kalaymyo in Hakha lei rallam an sialnak ah CNA le tualchung hriamtlai phufonh nih voi tampi an kahdoh hna i, SAC ralkap 100 tluk cu an thi cang, tiah Salai Htat Ni nih cun a chim.

Rallam a sialtu SAC ralkap hna cu minung thazaang zatceo he lawng Hakha an phan i, Gangaw lei ah an kir ṭhan. Gangaw lam lei ah minung thazaang chap in Hakha lei ah an ra ṭhan, tiah theih a si. Falam in Hakha lei ah a voikhatnak thilri a phor mi SAC ralkap tank motor 2 le SAC ralkap 200 hrawng nih zulh mi motor 27 cu a luancia February 27 in March 7 tiang ah.

CNA le tualchung hriamtlai phufonh hna nih voi 15 an kah hna, meng 41 tluk aa hlat i suimilam 2 hrawng kalnak khuallam ah SAC ralkap motor ruun cu zarhkhat leng an rau, tiah theih a si.Kawlin-Wantu Motor Lampi Bomb Puahnak Ah SAC Ralkap 23 An Thi. SAC ralkap minung thazaang 50 hrawng nih Sagaing ramṭhen.

Kawlin-Wantu lei ah April 23 ah rallam an sial i tualchung hriamtlai phu hna nih bomb puahhnawh in an doh hna caah SAC ralkap 23 an thi i minung 14 nih hliamhma an tuar, tiah tualchung hriamtlai phufonh nih an thanh. SAC ralkap hna nih nihin April 24 zinglei in Kawlin-Wantu lamkam um mi khua cheukhat hna cu meikhangh in an hrawhpiak hna, tiah tualchung hriamtlai phu chungtel pakhat nih a chim.

Wantu pengchung khuali hrawng cu SAC ralkap nih nihin April 24 zinglei ah an khanghpiak hna i, Wantu peng Theinlay khua in nu pakhat cu mei nih a kanghchih” tiah Kawlin Revolution -KR nih an thanh.Kalaymyo Yeshin Kahdohnak Ah SAC Ralkap Ralbawi 3 Tel In Ralkap 20 An Thi: Sagaing ramṭhen Kalaymyo peng chaklei Yeshin, khuapawng ah April 22 i a cang mi kahdohnak chung ah.

SAC ralkap lei ralbawi 3 le pyusawthi hna tel in minung 20 hrawng an thi, tiah PDF Kalay nih April 23 ah an thanh. Myitta  tiva nichuahlei um mi Yeshin  khua ah ralkap 250 he rallam hmunthum a sial mi SAC ralkap hna cu PDF-Kalay, CDF-KKG, RKDF le pah-kah-phah  phufonh nih an kahdoh hna.

Cu kahdohnak chung ah cun tualchung hriamtlai phu in minung pakhat a nunnak a liam. SAC ralkap hriamngan kahnak in Yeshin  khua inn 9 an kang, tiah theih a si. April 23 kahdohnak a chuahnak hmunhma cu PDF-Kalay nih hmunhma thianhhliamhnak an tuah lio ah.

SAC ralkap hriamthil 5.56 kuan 224, AP 95 Ozi kuan 61, Ozi  kuanbawm 2, bomb lung 3, MA kuanbawm 4, phone pakhat kan laak, tiah an langhter chih.

Theih tleih,Minung cu thinhang le lungbuai a thiam dih mi kan si. Cu na thinhang mi le na lungbuai mi aa dam deuh nak dingah tuah dingmi pawl a tangah kan van langhter hna lai:

Nangmah nih na thlen khawhlo mi kha cohlan i zuam- Nangmah pumpak hrimhrim nih na thlen khawh lo mi kha cohlan khawh i zuam. Nangmah pumpak hrimhrim nih ka thlen khawh bak tiah na zumh micuthleng kho.

Na cungah thatlonak le lungbuainak a tuah tu hna kha philh khawh i zuam. Cu hna caah khua na ruah zong an konglam na theih dih mi kha an si ko hna i philh khawh i zuam kha a tha bik.

Hla Ngaih le Hla Sak- Na thinhan lio le na lungbuai lio ah na uarbik mi hla kha thang nawn tein chuah law na thinlung dihlak in sak khawh i zuam. Hla music hawi in cawlcang ii zuam. Cu nih cun na thinhan nak lena lungbuainak a damter deuh lai.

Tlik-Lam hla nawnpi tlik- Na thinlung chungah a ummi fahnak a dam deuh tiang tlik khawh i zuam. Sau nawn na tlik hnu ah na thinlung nih a tuar mi lungfahnak le buainak hna ruat kho lo tiang in na tha a ba lai i na thinhan nak le na lung buainak a dam deuh lai.

Na hawikom thabik siseh na nungak na tlangval sinah phone chawn- Na thin a han tuk lio le na buai tuk caan ah na nungak na tlangval sinah siseh, na hawikom thabik sinah siseh na caah a biapi tiah na ruahmi hna sinah phone chawnh nak nih thinhun nak le na buainak a damter deuh khawh.

Na Theihbal Lo Mi Minung Kha hei Mirh Hnawh-Na theihbal lo mi minung sinah na mirh khawh bak a si ahcun na thinlung chungah daihnak a um deuh lai i, na thinhan nak le na buainak a dam deuh lai.

Nangmah le nangmah na lungsi lo nak pawl kha catlap cungah tial hna, cu na tialmi cu mei ah khangh law na thinlung a dam deuh lai. Na thinhang lio le na lung a buai tuk lio ah nangmah pakhat te lawng inn khan pakhat chungah dai tein umnak nih thinhan a damter deuh tawn.