Kahdohnak Ah Kan Pasaltha Hna ThawngTheih Cu Ngaih Chia Tuk e

Magway ramṭhen Htilin peng Yemyatni Palek sakhaan cu nizan zanlei sang ah kan kah hna i SAC Ralkap lei thi le hliam an um kho tiah Htilin PDF nih cathanh an chuah.

An cathanh ning ah May 16 zaan suimilam 8 le minute 10 hrawng ah Yemyatni khua um mi palek sakhaan cu Htilin PDF nih sakhaan lak ding in timhtuahnak kan ngei i kan luhhnawh hna caah kaphnih kar kahnak a chuak cu kahdohnak ah cun kan ralkap lei pakhat cu kuan nih a khen i a hliamhma a fah tuk caah hnu kan tolh ṭhan.SAC Ralkap lei in a thimi le hliamtuarmi an um kho thawng kan hlat cuahmah lio a si tiah an langhter.

Htilin PDF nih March 17 zong ah Htilin peng Cin, khua Palek sakhaan zong an rak lak bel cang.Cu lio kahdohnak ah cun sakhan hmu pakhat telh in a kut tang mi pathum an rak thah hna i palek 11 a nung in an rak tlaih hna pin ah an hriamnam zong an rak lak nak kong cathanh an rak chuah.

Thawng dang, Ralhrang nih sawmmi remdaihnak cohlan dingin pumhkhawhnak an tuah lio ah bomb puak. Ralhrang timhtuah mi remdaihnak cohlannak puai ah ruah lo piin bomb a puak i hliam a tuar mi an tam tiah theih a si.

Naypyidaw ah tuah mi ralhrang timhtuah mi remdaihnak cohlannak puai ah minung an i funtom lio ah bomb 2 bak a puak. Ruah lo piin a puak mi bomb ruangah ralhrang cohlangtu cheukhat hliam an tuar tiah theih a si. Tutiang ahcun aho hmanh nih kanmah do mi bomb a si tiah a ti tu an um rih lo.

ralhrang nih tuah a timh mi remdaihnak a cohlangtu le ramdang tlangtlaknak a duh lo tu hna cu USDP hruaitu cheukhat nih an hruai hna i Naypyidaw khuapi ah chuak in an duhnak langhternak caah puai an tuah. Cu lio ahcun bomb a puah hi a si. “Ralram ah a kal mi le USDP party pawl an rak phak dih tlawmpal bak ah bomb cu a puak, a thawng a thang taktak” tiah khuami pakhat nih a chim.

Bomb a puah ruangah Mawtaw 2 ai hrawk i, mitampi hliam an tuar caah ihkhun 1000 umnak Sizung ah an kal pi colh hna. Cu tlawmpal ah ralhrang pawl Mawtaw in an rak phan i, lam an phih dih, mi zong an check len tiah khuami nih an chim.