Kahdohnak Ah Sac Ralkap 7 An Thi, Karenni Ralkap 4 Hliam An

Demosoe Peng Ni 2 Chung Kahdohnak Ah SAC Ralkap 7 An Thi, Karenni Ralkap 4 Hliam An Tuar. Karenni ramkulh, Demosoe peng, Dawngan-kha, khua ah SAC ralkap le KRU phufonh kar May 23 le 24 nihnih chung kahdohnak ah SAC ralkap 7 an thi i Demosoe PDF 3 le KRU in 1 hliamhma a tuar tiah theih a si.

May 23, chunhnu suimilam 12:00 ah Demosoe peng Dawngan-kha khua ah umhmun khuarmi SAC ralkap hna cu KRU le Demosoe PDF nih a thli in an kahdoh hna i SAC ralkap 4 an thi hliamhma tuar zong an um. Kaphnihkar kahdohnak cu minutes 30 tluk hrawng an rau i Demosoe PDF in 3 hliamhma an tuar tiah KRU nih a thanh.

May 24, zinglei suimilam 9:00 hrawngah KRU, Demosoe PDF, Loikaw PDF phufonh nih Dawngan-kha khua ah bomb hmanh ding in a kalmi SAC ralkap hna cu an kah tthan hna i SAC ralkap 3 an thi KRU lei in mi pakhat hliamhma a tuar tiah theih a si.

Theinzayat Palik le SAC Ralkap Camp Kahdoh An Tong, Tat-kyat-gyi Pakhat A Thi Mom ramkulh , Kyaithtu peng, Theinzayat um mi SAC ralkal no. 207 battalion camp le Theinzayat Myomah palik camp cu May 24 chunhnu suimilam 3:30 hrawngah tualchung hriamtlai phu nih an kah hna caah SAC ralkap tat-kyat-gyi pakhat a thi, 2 hliam an tuar tiah theih a si.

Sau deuhbkah dingah caan rem a um ko na in cu an chungkhar hna hnorsuan lai kan duhlo caah ralrin peknak lawngin kan tuah tiah PDF nih an chim.Cu kahdohnak cu KNLA, PDF le pah-kah-phah dohthlengtu phufonh nih an kahdoh hna tiah theih a si.

Htichait Peng Ah SAC ralkap Bomb Voi 2 Puahhnawh An Ton Caah 5 An Thi, Sagaing ramtthen, Htichait peng ,Tunglung khua ah rallam sial in a kirmi SAC ralkap hna cu voihnih tiang bomb kan puahhnawh hna tiah Eagles Army (HPDF) nih May 24 ah an thanh.

May 24, zinglei suimilam 11:30 ah Htichait peng Satpyae. khua in Tunglung, khua lei ah rallam sial in a kirmi SAC ralkap hna cu voihnih tiang bomb kan puahhnawh hna caahSAC ralkap lei 5 an thi i 2 fakngai in hliamhma an tuar tiah an thanhmi ah cun an langhter.

Cun May 22 ah khan Htichait peng Inndawng khua lei ah rallam sialtu SAC ralkap hna cu kahdoh an ton caah minung 20 leng an rak thi.Crd: The Chin Post