Kahdohnak Fak Tuk In A Chuah Ca Ah Pasaltha Hna Nih Cun Ram Le Miphun Ca Ah Nunnak Tiang In An

Cung he tang he hriamnam tha le thazang tam pi in an kah hna nain an thilri an lak khawh mi a tam tak tak kawl ralhrang a nung in 6 reng lo an tlah hna a thi mi milu tu fiang in theih asi lo.

Mipi ralkap pasaltha lei in ralkap 3 reng lo nih ram le miphun caah an nun nak an pek I pasaltha 4 reng lo hliam an tuar an hliam tuar mi cu thin phang ngai ngai awk um lo tiah tu zing ah theih asi.

Tabawbo pawng sakhan hi kawl ralhrang nih an rak lak mi asi I kum 32 a rau hnu ah an lak than khawh hi asi. a tang hmantlak nan hmuh bangin hriamnam an lak piak mi pawl le kawl ralhrang a nung in an tlah mi pawl an si.

Kawl ralhrang lei nih ral tuk nak van long le helicopter  drone te pawl in an rak bawmh ko hna nain an sakhan cu an lak khawh KNLA le ANDO cun PDF pawl hna an si kawl ralhrang an tlah mi hna hi hruaitu ral doh nak ah hruaitu an I bocyhan mi ralhrang 4 an si I a dang pahnih cu ralkap naudeuh an si.

Thawngdang, Shan ramkulh thlanglei Nansan khua ummi journalist Than Soe Aung cu, Nansan biaceihzung nih May 18 ah Anti-Terrorism Law, in thong kum 5 tla ding in bia an khiah piak, tiah biaceih zung he naihniam pakhat nih a chim. Than Soe Aung cu a luancia March 7 ah SAC ralkap nih an rak tlaih i Anti-Terrorism Law section 52(a) in taza an cuai, tiah a chimchap.

Than Soe Aung cu NUG le PDF he aa pehtlai mi thawng pakhat cu amah pumpak page ah a tar ti ruang ah taza an cuai. An tlaih thla 3 hnu ah bia an khiah piak hi a si, thlathum chung thong a umnak ah a dam lo i zunthlum zawtnak a ngei, tiah theih a si.

Mandalay Ayeyawaddy News Agency i photo journalist, Zaw Zaw cu U Bo thong ah SAC ralkap nih an rak tlaih. A luancia April 10 zing sml 9:30 hrawng ah SAC ralkap nih an rak tlaih i, May 18 lawng ah an tlaih ti thawng cu a chungkhar nih an theih. Zaw Zaw cu Section 505(a) in SAC ralkap nih taza an cuai.

A luancia May 10 lioah journalist Maung Maung Myo zong Karen ramkulh Myawaddy khua in Mandalay a kal lioah SAC ralkap nih an rak tlaih. RFA nih cazin a khawmh ning in SAC ralkap nih, kum khat leng chung ah Myanmar ram chung um journalist an tlaihmi hna hi a tlawm bik 143 an tlaih hna i cu chung ah 3 an thi, tiah an langhter. Credit TCP