Kahdohnak Fak Tuk In A Chuah Ca Ah Pasaltha Pakhat Nih Ramle Miphun Ca Ah Nunnak A Pek Than Poituk E

SiMiLawh Khua Kahdohnak Ah KNDF Ralkap Pakhat A Nunnak Liam. Phekhung nichuah lei Similawh khua kam ah May 18 zinglei ah SAC ralkap le KNDF kar kahdohnak a chuak.

Nichuah lei hmunrawn ah rallam a sialmi SAC ralkap Battalion 422 le KNDF Battalion 3 cu, nihin May 18 zanlei sml 1:00 hrawng ah an i kap i Kahdohnak ah SAC ralkap Loikaw hriamngan (Artillery) Battalion 422 hmun in an kah hna.

Cu kahdohnak ah KNDF Battalion 3, Company 4 in ralkap pakhat Aung Shwe a nunnak liam. Pahnih hliamhma an pu, pakhat cu a hma fak ngai, tiah theih a si.

A nunnak liam mi paral ṭha Aung Shwe cu upatnak sang bik kan in pek i, na hawi le nih hramhram uknak kan tei hlan lo kan doh lai, tiah KNDF nih cathanh an chuah.

Htilin Peng Palik Camp In Palik Pakhat Cu Meithal He PDF Htilin Sinah A Zam.

Magway ramṭhen, Htilin peng Semintaw, palik camp in palik pakhat cu a meithal he PDF Htilin sinah a lut, tiah PDF Htilin nih cathanh an chuah.

Cu palik pa cu M-13 meithal zun 1, kuanbawm 2 le meithal kuan 65 he PDF Htilin sinah aa fonh, tiah theih a si.

Palik pa nih nan sinah ka rak i fonh lai, tiah a kan pehtlaih bak in a chungkhar pawl cu kan va auh hna i a himnak hmun ah kan chiah hna. Hriamnam he kan sinah a rak i fonhmi palik pa cu sing 50 lawman kan pek, tiah PDF Htilin nih cathanh an chuah.

Thawng dang, Thai ram chungah nifatin ngawt in rian kawl ding in a raami Myanmar rammi tampi an um i Thai cozah nih phungning loin a lutmi an tlaih lengmang hna. May 14 nikhat chung lawngah tlaih a tongmi Myanmar rammi 300 hrawng an si i May thla thok in a tutiang tlaih a tongmi 1,300 leng an si cang i phungning loin mi a phortu 4 zong an tlaih chih hna.

Thai ram ah rian kawl ding in a kalmi cu nifatin in Thai ram chungah luh lengmang a si i May 14 nikhat chung lawngah phungning loin a lutmi Myanmar rammi 300 hrawng tlaih an tong i May thla cheu tiangah 1,300 leng le puaisa 14 tlaih an si.

Atu bantuk in ramri ah phungning loin a lutmi Myanmar rammi hna cu nifatin ngawt in tlaih an si lioah Myanmar rammi pawl a ting leng in rian an ṭuannak Samut Sakhon peng chung an umnak hmun tiang phungning loin a lutmi Myanmar rammi 30-40 kar tlaih an si tiah U Moe Kyo nih a chim.

Thai cozah nih Myanmar-Thai ramri hlei in ram hnih hnatlaknak minthut MOU thawng in phungning tein rianṭuantu pawl auh hramthok a si cang caah atu bantuk phungning loin luhnak pawl a zor deuh cang lai tiah ruahdamh a si.

Relchap: Kum khat lengah SAC nih mipi 1,844 a thah, 13,700 leng a tlaih hna

Myanmar ram ah hramhram in uknak lak a si kum khat leng chungah SAC nih thah ruangah sualnak ngei lo mipi a nunnak a liammi minung1,844 le tlaihkhih a tongmi 13,713 an phan tiah Assistance Association for Political Prisoners (AAPP) nih a thanh.

Atu cazin hi 2021 February 1 in 2022 May 17 tiang AAPP nih a khawmhsuatmi a si i a taktak ah a nunnak a liammi an tam deuh lai tiah a langhter.

Pau dothlennak chung, May 18 tiang ah minung 10,661 tlaih an tong i minung 1,069 hi cu thongthlak ding in biakhiah an si cang.

Sualphawtmi chungin kum 18 tang hngakchia 2 telh in minung 68 cu thih ding in sualphawt an si cang.

Tlaihkhih ding in nawlchuah ruangah a zaami 1,977 chung in thah ding in nawlchuah a simi 41 telh in minung 120 cu hriawknak in thah ding tiah nawl an chuah i thah ding in nawlchuah a simi 109 an phan.

Cun, SAC nih 2022 April thla dih tiang chungah phihkhar khanh a simi inn 570 an si tiah AAPP nih a langhter.