Kal Ah Lung Um Mi Chuah Ter Nak Le Kal Ah Lung Um Lo Dingin I Ven Nak Tha Bik

Minung kan nun nak ah ngandam nak hi a biapi bik mi a si bantuk in kan taksa caah zeithil pawl dah kan hrial awk a si ti kan theih lo tik ah kan caah tih nung thil a si mi zong tampi kan rak ei din sual tawn . tutan i kan rak tial mi hi kan kal ah
lung a um ter tu thil hrial ding tete an si hna i chinchiah khawh rak i zuam ve.

Hrial ding pawl :

Caw sa ,Maheh sa le sa chungril pawl , a ruh zong ei chih khawh mi nga fa tete pawl le kuva , beer , ruatuai le ngaikuang
pawl hna hi hrial khawh ah cun a tha bik.

Nai sum deuh ding pawl :

Anthur,khazian chinti ,Strawbery , khuhlu , hin nuhnuai le Chocalate .
Lakphak,Coffee ,Caw hnuk pawl hi luan tuk in na ding ei hna lai lo.

Tuah ding pawl : Ti thianghlim tampi na din zungzal lai . ti tampi na din tik ah na taksa chung i lung fa tete a um
sual mi zong na zun ah a chuah ter dih than khawh . cu ca ah nikhat ah a tlawm bik Litre 2 cu din i zuam.

ruah lo pi in kal ah lung a rak um sual kho tawn caah a hlan kan tein i ralrin tluk a tha mi a um lo . cu ca ah hi thil hi ak tuah ve law na kal ah lung um lo ding in i kil veng ve .

Dr . Sai long Ngan

Bantumpaw hi mi tampi nih rawl meh lawng ah kan rak hman i a kan thawt ngai cio . a si nain sii zei zong ah a rak tha tuk
ti belte kan thei cio lem lo . kan hei theih mi cu thinphin caah a tha ti belte cu kan theihcia men ko lai . a si nain zeitluk in dah sii caah a rak that ti hi thei cang hna u sih.

Bantumpaw hi zei ti ei hmanh ah eisual a um bak lo mi a si pin ah , minung kan taksa caah zeitluk in daha rak that ti mi kan langhter lai .

Bantumpaw a ei peng mi nih a that nak an chim mi cu ;

Bantumpaw ei nak nih hin thisen niam le sang ( thi kai ) hi a control khawh taktak ti a si i , thi kai zawtnak ruang ah taksa
a rit mi le taksa fah lufah vialte hi bantumpaw ei ah cun a tlau dih tiah an chim .

Cu lawng si lo in bantumpaw ei nak nih hin , Pawpi lei zawtnak zong a dam ter i a hlei in pawpi thazang a der cang mi hi bantumpaw ei piak peng ah cun pawpi thazang a hung thawng than i rawl zong duh a si i taksa dam nak a chuah pi than ti a si.

Cu pin ah bantumpaw ei peng mi cu thisen thlum/ zun thlum zong ngeih khawh a si lo ti a si . thithlum /zunthlum a chuah ter tu virus kha bantumpaw nih hin a doh khawh i , a ngei cia mi zong bantumpaw na ei ah cun thithlum/zunthlum a san nak kha a control khawh dih ti a si fawn.

Nu thlachiar tha tein ( regular ) a period kho lo mi zong bantumpaw ei nak nih a bomhkhawh i chunglei thisen um tuning a remh dih caah a hlei in nu caah bantumpaw ei hi a tha khun tiah chim khawh a si fawn.

Kal(Kidney) a thlian hlim ter fawn i lunglei zong a that ter fawn ti a si . paw that lo ( sen ten ) ca lebang ah cun bantumpaw ei cu a tha taktak fawn.

cu lawng si lo in nu pawl chiatha a fak mi le a cak lo mi ca zong ah bantumpaw ei hi atha taktak ti a si . thi kai zawtnak a ngeimi caah a tha khun fawn.

Be the first to comment

Leave a Reply

Your email address will not be published.


*